امير كرارة :مراتي متعرفش أنا بقبض كم من شغلي وهذه حقيقة خناقتي مع احمد عز في الجيم

كشف النجم أمير كرارة، خلال حواره ببرنامج "حبر سري"، مع الإعلامية أسما إبراهيم، على قناة القاهرة والناس عن أن زوجته حتى الآن لا تعرف دخله من الأعمال الفنية. وقال "مش بخاف من الحسد بس مش بقول لحد على أجري ومراتي لحد النهاردة متعرفش أنا بأخذ ايه ولا عندي ايه حتى الآن".
وأضاف أن الاعلامي طارق نور صاحب فضل كبير عليه هو والمخرج ميلاد أبي رعد، قائلا: "اللي ضمني كان طارق نور وبحبه جدا وصاحب فضل كبير عليا بعد ربنا وهو مدرسة وناس كتير بتطلع وتروح وطارق نور هو زي ما هو". وعن أول سيارة اشتراها، قال: "أول عربية جبتها كانت مستعملة و بـ32 الف وتبع بنك واللى ضمني كان طارق نور، و وهو اللي اكتشفني الأول".
وعن مسلسل "الاختيار" أكد أمير كرارة، أن المسلسل أصبح برند وعمل وطني مميز، قائلا: "اتفرجت على الاختيار 2 وهو بقى برند مينفعش متفرجش عليه وهو عمل وطني ومش متخيل رمضان ميبقاش فيه الاختيار، ودلوقتي اتفرج عليه كمشاهد زي أي حد وكمان عشان اتفرج على بيتر ميمي وكريم عبد العزيز". وعن رأيه في المقارنة بين الاختيار 1 والاختيار2 رد قائلا: "مش بخاف من المقارنة ولكن أول جزء كان بيتكلم عن أبطال القوات المسلحة وتانى جزء عن أبطال وزارة الداخلية والشغلين مختلفين ولكن الجزء الاول نجح والتاني نجح وكسروا الدنيا".
ونفى كرارة ما تردد حول خناقته مع أحمد عز في احدى صالات التمارين الرياضية مؤكدا أنها شائعة لا أساس لها من الصحة.