تعرفوا الى ابرز تصريحات نجوى فؤاد النارية لبرنامج "كلام الناس"

 
تصريحات نارية أطلقتها الفنانة نجوى فؤاد خلال برنامج "كلام الناس" على mbc مصر منها أنها "ندمت خلال السنوات الأخيرة على دخولي الوسط الفني، وندمت أني رفضت الإنجاب بسبب الشغل".
تابعت "ندمت أني ضحيت بالدراسة وأهلي في الإسكندرية بسبب الفن، وعشت في أوضة في القاهرة لمدة 4 سنوات".

 
أضافت "رفضت الإنجاب في شبابي علشان مقعدش في البيت لكن دلوقتي ندمانة".
وعن سبب انفصالها عن الفنان أحمد رمزي قالت "علشان رجع لمراته وفضلنا نكون أصدقاء وعمى كان عايز يقتلني علشان أهلي متدينين وشايفين الفن عورة، وتراجع عن قتلي بعد ما شاف قسيمة زواجي من الموسيقار أحمد فؤاد حسن".
 

 وتابعت: الشعب اللي خلاني نجمة واستمتعت بحب الناس ليا، وفي السنوات الأخيرة ندمت أني دخلت الوسط الفني وضحيت بأهلي ودراستي في إسكندرية، وجيت هنا واتجوزت أحمد فؤاد حسن ووقفني على أرض صلبة مع أنه كان أكبر مني بـ 25 سنة.

 
وذكرت "رفضت أخلف ودلوقتي ندمانة، وأحمد فؤاد قالي مش هنكمل علشان الخلفة؛ لأني خوفت على جسمي من الخلفة ومكنش فيه عمليات تجميل زي دلوقتي".