محمود المهدي عن طلاقه من منة عرفة: مكالمة من "كبيرهم" كانت السبب!

تحدث الممثل والمنتج محمود المهدي عبر خاصية الاستورى على حسابه الرسمي على موقع الانستجرام عن سبب انفصاله عن زوجته الممثلة منة عرفة الذي أعلن عنه منذ أيام وكتب "في كم حد لقيته باعت إني خدت منة واشتهرت، لو تفتكروا، في البداية كنت رافض أننا نعلن عشان مايتقلش كدة، لحد ما ينزل الفيلم، واتسربت الصور، وطبعا دلوقتي بعد اللي حصل عملوا لي مشاكل، أنا دافعت عنها لما جت سيرتها، ولم رديت على كبيرهم وقولت الحقيقة حصل اللي حصل، لو أنا حابب اشتهر كنت عملت زي الأغلبية" وأضاف: كبيرهم كان سبب كبير في الانفصال، كنت بجانبها عندما تلقت اتصالا من هذا الشخص، الأيام اللي جاية هيتم توضيح بعض النقاط من المكالمة، وأتمنى الخير لأي حد كان في حياتي.
وعن موقف منة عرفة من انفصالهما، قال محمود المهدي: "منة أكتر واحدة وقفت معايا، واللي حصل ظروف خارجة عن إرادتها، وأي حد لو عرف هيعذرها، هي ملهاش ذنب في اللي حصل الموضوع بيني وبينه".

كان محمود المهدي قد أعلن عن اتخاذه الإجراءات القانونية ضد نقيب المهن التمثيلية الدكتور أشرف زكي، بعدما وصفه بالنكرة في البرامج التليفزيونية وكتب محمود المهدي عبر خاصية ستوري في حسابه بموقع الانستجرام: "هيتم أخذ الإجراءات القانونية من شخص مفروض قدوة للفن والممثلين ومفيش حد فوق القانون، وللأسف مافيش حد هيقف معايا في ده عشان المصلحة.. بس الحمد لله الأهم من كل ده ربنا معايا، وعمري ما هسكت لما أشوف حاجة غلط" وهاجم أشرف زكي، محمود المهدي بعد تطاوله على الفنانة إلهام شاهين، بعدما انتقدت رفض زوجته القيام بأحد المشاهد الفنية.
وقال أشرف زكي، خلال مداخلة هاتفية لبرنامج "حضرة المواطن"، على قناة "الحدث اليوم": "هناك حملة لتشويه الفنان المصرية والقوة الناعمة.. هي دي سبل البحث عن الشهرة يعني لما تهاجم فنان؟! لن نترك أحد يهين فنان والنيل من سمعة الناس.. واحد نكرة كاتب على نفسه فنان بيشتم فنانة كبيرة.. وبقوله أنت منتحل صفة فنان، مفيش فنان أيها النكرة قليل الأدب.. بقينا مادة ثرية لكل من يبحث عن الشهرة".