حورية فرغلي تتحدث عن تجربة زواجها لمدة 3 أشهر فقط وهذا ما قالته عن عمليات الشد والنفخ

كشفت الفنانة حورية فرغلي، عن تجربة زواجها السابقة التي استمرت لمدة ثلاثة أشهر حيث قالت "اتجوزت 3 شهور بس وكنت مخطوبة قبلها من حب عمري ومات قبل فرحي بيوم ولما جيت مصر ماما كانت عايزة تطلعني من اللي أنا فيه فدخلتني مسابقة ملكة جمال مصر".

وأضافت فرغلي خلال لقائها ببرنامج "حبر سري"عبر فضائية "القاهرة والناس" كانت والدتي بتاخدني النادي كل يوم وهو شافني في النادي واتعرف على مامي واتقدم لي وحصل جواز ومكنش فيه حب واحنا أصحاب قوي على فكرة لحد دلوقتي وبيحلف بالبامية بتاعتي وهو اتجوز وخلف ومبسوط وأنا مبسوطة اني شفته مبسوط".

وتابعت "كنت أحسن فارسة في الوطن العربي ومكنتش شايفة نفسي في الموضوع ده ولو أنا حبيت حاجة وهعملها لازم أبقى رقم واحد يا إما معملهاش خالص".

أضافت "أنا دلوقتي مفيش أي قصة حب، والله كمان مش بتعاكس في الشارع، وفي سن معين عايزة تحبي وتتحبي والحب ده زي الهوا وانتي تعرفي البنت بتحب ولا لأ من عنيها لما عنيها تبقى بتبرق ومبتسمة وبيبان عليها إنها في علاقة وأنا للأسف بعيدة عن الحاجات دي بقالي حتى كتير".

من جهة ثانية، عبرت عن حزنها الكبير بسبب معاناتها من تعليقات المتابعين وتنمرهم عليها والتي إنعكست سلباً على صحتها النفسية وقالت:"كان كلام الناس يفرق معي جداً على السوشيال ميديا.

ولكن الآن لم يعد يحدث فارقاً معي ولا يهمني".

وتابعت قائلة:"كلام الناس كان يضايقني واستهزاؤهم على شكلي دَمّرني نفسياً، حيث ظللت سنتين لا أنظر إلى المرآة بسبب السوشيال ميديا، وكل من كان قريباً مني ابتعدوا".