أقوى رد على شائعة وفاته.. عصام إمام يكشف آخر تفاصيل الفيلم الجديد للزعيم | فيديو

كشف عصام إمام شقيق الفنان الكبير عادل إمام، حقيقة ما تردد على السوشيال ميديا حول وفاة الزعيم.

وقال شقيق الفنان عادل إمام خلال مداخلة هاتفية ببرنامج "الحكاية" الذي يقدمه الإعلامي عمرو أديب بقناة "إم بي سي مصر": "احنا زهقنا من شائعات وفاة الزعيم، ومش عارف إيه السبب والطريقة دي مرة واتنين وعشرة ينشروا شائعة وفاة عادل إمام، ولو فيه حاجة هنقولها".

وتابع: "لو الزعيم عادل إمام فيه حاجة هنقول لكن هو ما فيهوش حاجة والحمد لله زي الفل، ومش عارف ليه يتم تداول شائعته بشكل مكثف".

وأكمل: "أنا مع عادل إمام كل يوم وبنعمل قعدات علشان فيلم "الواد وأبوه" للزعيم وابنه محمد إمام، وهو عمل درامي، وإخراج رامي إمام، ومن إنتاجي".

ولفت: "عندما يكتمل الفيلم سيتم عرضه واحنا مش مهم عندنا ننزل في العيد أو أي يوم تاني، وبطمن كل الناس الزعيم عادل إمام بصحة جيدة".