تامر حسني : انا اللي اكتشفت هنا الزاهد واعيد اكتشافها بفيلمي الجديد | صور

يواصل النجم تامر حسني العمل على تصوير مشاهد فيلمه الجديد والذي جاء بعنوان "بحبك" استعدادا لعرضه خلال الفترة المقبلة.

وشارك تامر حسني الجمهور بمجموعة صور من كواليس فيلمه الجديد "بحبك"، مع هنا الزاهد، وذلك على حسابه الشخصي على موقع تبادل الصور والفيديوهات "إنستجرام".

وكتب تامر تدوينة قال فيها : " مساء الهنا على اغلى ناس على قلبي انا".

دي صور من اول يومين تصوير لفيلمنا الجديد ( بحبك ) طبعاً في ناس هتقرا اسم الفيلم بحبِك و ناس هتقراه بحبَك دا طبعاً مقصود عشان في درامة الفيلم هنبحث طول الوقت عن مدى صدق كلمة بحبِك من الرجل  للأنثى و بحبَك من الأنثى للرجل  في احداث فعلاً محيره جداً  "

واضاف : "الفيلم اكيد فيه ضحك بس في إطار رومانسي بحت مش موجود بقاله كتير اتشرفت بمشاركة نجمة اليوم و المستقبل الجميله هنا الزاهد  و مبسوط اني اول من اكتشفها في بداية حياتها و في الفيلم دا بكتشفها تاني و بقدمها بشكل جديد عليها و عليكم  و مبسوط جداً لمشاركة حبيب قلبي نجم الكوميديا الكبير حمدي المرغني اللي هيعمل ان شاء الله شغل رهيب في الفيلم كعادته الجميله و للأسف لسه مصورش علشان انزل صوره بس في اول يوم تصوير له ههريه صور وانتظروا بعد ايام انضمام نجمه جميله مميزه من نجوم المستقبل اللي هيكون ليها مستقبل كبير ان شاء الله  ، و فرحان جداً بإنضمام الفنان الموهوب اوي مدحت إسماعيل اللي عامل دور زي العسل و ربنا يكتبله فيه كل النجاح و يكرمه و يكرمنا معاه / الفيلم من انتاج حبايب قلبي و اصدقاء العم سينرچي احمد بدوي وتي ايتش برودكشن حسام حسني وسكاي ليميت أحمد الدسوقي ".