خالد عجاج يكشف مفاجأة: كنت مرشحا لدور السقا بـ"صعيدي في الجامعة الأمريكية"

كشف الفنان خالد عجاج خلال حواره ببرنامج "سهرانين" مع الفنان أمير كرارة عبر قناة ON أنه كان مرشحا لدور "علي" والذي قدّمه النجم أحمد السقا في فيلم "صعيدي في الجامعة الأمريكية" عام 1998 قائلا : "كنت هعمل دور أحمد السقا في صعيدي في الجامعة الأمريكية، تحية لأحمد السقا؛ أيامها الله يرحمه الأستاذ سامي العدل، والمنتج محمد العدل، كلموني، كنت في الوقت ده ظاهر جدا، قالولي تعالى في دور حلو أوي مع محمد هنيدي في فيلم جديد، وفعلا روحت وقابلتهم في المكتب وشرحولي الدور، وفرحت جدا بالقصة، ولكن لما روحت لنصر محروس وحكيتله الموضوع، لقيت نصر مضايق من الحكاية، حبًا فيّا، لكن الرؤية خابت شوية". تابع: "لقيت نصر بيقولي بقولك إيه يا عم خالد هو الفيلم اسمه إيه؟ قولتله اسم الفيلم، قالي ومين الصعيدي؟ قولتله محمد هنيدي، قالي يبقى أنت دور تاني والفيلم بتاع هنيدي، طبعا أنا مكنش فارق معايا القصة، والموضوع فشل رغم إني كنت عايز أشارك، وده نصيب".
فيلم " صعيدي في الجامعة الأمريكية" من ﺇﺧﺮاﺝ سعيد حامد وﺗﺄﻟﻴﻒ مدحت العدل، وبطولة النجوم: محمد هنيدي، منى زكي، أحمد السقا، طارق لطفي، هاني رمزي، وغادة عادل وغيرهم.
يبث برنامج "سهرانين" الذي يقدمه الفنان أمير كرارة، في موسمه الجديد، على قناة ON، يومي الخميس والجمعة من كل أسبوع، في تمام الساعة التاسعة والنصف مساء.