الفنانة شريفة ماهر: أنا دعيت على بنتي إنها يجيلها سرطان | فيديو

قالت الفنانة شريفة ماهر: "أنا لو مت مفيش مقبرة أتدفن فيها، ابني الكبير خد المقبرة اللي أمتلكها وباعها".

 وأضافت خلال لقائها ببرنامج "بنت البلد" الذي تقدمه الفنانة نشوى مصطفى بقناة "صدى البلد 2": "أنا مسامحة ابني اللي مات برغم اللي عمله فيَّ ولكن مش راضية عن ابني الكبير ولا أقدر أدعي له من قلبي لأنه تعبني وبهدلني ومش راضية عليه".

وأكملت شريفة ماهر:"ما عنديش إلا بنتي نيفين هي أحن وأطيب ولادي عليَّ ومبتسبنيش، إنما بنتي ناهد أنا دعيت عليها يجيلها سرطان".

وعلقت الفنانة شريفة ماهر من قبل ، على وفاة ابنها الأكبر "مجدي"، قائلة: "برغم اللي حصل منه معايا لما عرفت خبر وفاته وقعت من طولي أنا مسمحاه ليوم الدين".

 وأضافت خلال مداخلة هاتفية ببرنامج “كلام الناس” المذاع على قناة “mbc مصر”: "حاولت الاتصال بابني اللي توفي لما عرفت إنه هيجري عملية جراحية في القلب وردوا عليَّ في المستشفى إن حالته صعبة".

ولفتت شريفة ماهر: "طليقة ابني اللي عايشة في السويد بلغتني بوفاته وسامحته على كل حاجة لأني أم، اللي مات مجدي، واللي ما بحبهوش ابني شريف لسه ما ماتش ودا عمري ما هسامحه ولا هرضى عليه وللأسف هو مسعور على الفلوس، وما كنتش متصورة أن يحصل معايا كده من ولادي".

وأكملت باكية: "مجدي ابني اللي مات ما كانش بيني وبينه مشاكل، وللأسف دفنوا ابني من غير ما يبلغوني".