باقة ورد حمراء من بسمة وهبة لمتابعي برنامجها في يوم الحب

أهدت الإعلامية بسمة وهبة باقة من الورد لمتابعي برنامجها 90 دقيقة الذي يعرض على قناة "المحور"، بمناسبة عيد الحب.

وقالت "أهدي هذا البوكيه لكل من يتابعني ولبلدي الغالية مصر اللي شايلانا في نن عينيها ومش مقصرة معانا".

وسألت بسمة "هل لسه الناس بتحب بجد؟ ولا خلاص بقينا غرقانين في زمن المادة والمصالح .. النهاردة كنت مبسوطة بمعايدة الناس على بعض".

وتابعت: "وأنا جاية النهاردة بنتي قالت لي عاوزة أجيب هدايا لأصحابي لأني عاوزة أعبر عن حبي ليهم، وقلت لها خدي لكل واحدة وردة، لكن بصة واحدة على السوشيال ميديا الملعونة بترجعنا للواقع تاني وتقولنا حب إيه اللي انت جاية بتقول عليه".

وأردفت: "هتلاقي ناس بتتريأ على الورد والدباديب ووفكرة عيد الحب، انت مالك؟! سيب الناس تعبر عن محبتها بالطريقة اللي تعجبهم، وهتلاقي جروبات ستات مليانة سم، وبيسألوا بعض جابوا ايه وبكم؟ دهب ولا ألماظ؟ خليه ياخدك يعشيكي في مطعم .. كأن المادة هي كل شيء".