حورية فرغلي : "بعت منزلي وانفقت 5 ملايين جنيه علي أنفي" | فيديو

قالت الفنانة حورية فرغلي: "اضطريت الي بيع منزلي لعلاج مشكلة انفي، حيث انفقت خمسة ملايين جنيه لأجراء عمليات في انفي بأمريكا"

وتابعت خلال لقائها ببرنامج "كلمة أخيرة" الذي تقدمه الاعلامية لميس الحديدي بقناة "أون إي": "بعد العملية حاسة الشم رجعتلي بعد 5 سنين، ومكنتش عارف أعيش، ومبعرفش أشم حاجة وريحة البرفان مكنتش بشمها".

ولفت: "فقدت الثقة في نفسي السنوات الماضية وكانت حاطة فويل على المرايات ودخلت في اكتئاب، وكل الناس بعدت عني في مرضي، واللي كانوا قاعدين معايا 10 سنين أصحابي وقرايبي بعدوا عني وتليفوني مكنش بيرن فجات لي حالة من الاكتئاب".

وأكملت: "كانوا بيقولولي إنتي مسخ دميم، وإنتي شبه أبو الهول، وكله بيتنمر عليا وقتها فقدت الثقة في نفسي، ومعندش علاقة عاطفية ومبقاش يجيلي شغل بسبب مناخيري، وقتها كنت بتمنى الموت كل يوم بعد لما كنت ملكة جمال الناس كانوا بيقولوا عليا مشوهة، وأنا مش بخلف ومحدش عايز يتجوزني لأني مبخلفش".

وأشارت: “عندي عملية جراحية في مناخيري والعملية الأولي زراعة جسم مناخير فقط، وخدوا جلد من خدودي علشان يطولي مناخيري، وكل ده حصلي من وقعة حصان”. 

ولفتت: "خلال فترة محنة مرضى قربت من ربنا وكنت بصلي وكنت بقول لربنا مش عايز أرجع ملكة جمال ولكن عايزة أشم وأتذوق وأعيش بشكل طبيعي".