محمد عطية يثير الجدل بإعلانه تحوّله إلى نباتي: "أنا قررت أبقى فيغن"

كشف الفنان المصري محمد عطية عن سبب نشره صور لطعام نباتي بشكل مستمر على خاصية الستوري في حسابه الخاص في موقع "انستغرام"، معلنًا أنه حوّل نظامه الغذائي إلى النظام النباتي قائلًا: "أنا قررت أبقى فيغن".

وقال محمد أنه يتلقي أسئلة من متابعيه بشكل مستمر  عن حقيقه اختياره النظام التباتي قائلًا: "ناس كتير باعته تسألني عن الأكل اللي بحطه فى الستوريز بتاعتي بقالي كام يوم... انت بقيت فيجن؟".

وأضاف: "الحقيقة انا بحب الحيوانات جدا و قالي أكتر من ستنين مسيطرة على دماغي فكرة إنى مش قادر أكل كائن بيتحرك وبيحس وبيتألم وكل ما كنت اشوف فيديوهات الأضحية اللي بتنتشر وقت الأعياد بقرر اني خلاص مش عاوز اكون طرف في المعادلة دي بس كل مرة ما كنتش بنفذ ده".
 

وتابع: "من كام يوم قررت انى أوقف اكل الحيوانات و منتجاتها و بعيدا عن ان اغلب الناس في مجتمعنا هيسخروا من الفكرة انا بعمل الحاجة اللى أقدر اكون بيها مرتاح .. و اكيد مش بحكم علي أى حد بياكل لحوم .. كل واحد مرتاح فى حاجة يعملها .. و تلخيصا لنقاش حلال وحرام … ما فيش حاجة بتحرم انى ما اكلش حيوانات او اعمل حاجة تريح ضميرى تجاه الحيوانات .. انا كنت بحس بتناقض و انا بحب الحيوانات و بدافع عن حقوقهم و ارجع اكل فراخ او لحمة .. و النقاشات اللي حوالين الموضوع لا تعنيني بشئ لأن الحقيقة انا بدور على راحتي نفسيا قبل اي حاجة .. المهم عشان الناس اللى بتبعت تسألنى".

وختم قائلًا: "أيوة انا قررت أبقى ڤيجن".

وتفاعل الجمهور مع قرار عطية بشكل ايجابي، فيما اعتبر آخرون أنّ عطية يحاول إثارة الجدل فقط من خلال بعض الاستعراضات.