سيناريست يشكك في موهبة عمرو محمود ياسين .. " اشخاص بيكتبوله مسلسلاته والاخير يرد بقوة

شكك احد الكتاب الشباب في موهبة السيناريست عمرو محمود ياسين الذي كتب الاجزاء الاربعة لمسلسل " نصيبي وقسمتك"، حيث تدوينة عبر حسابه الشخصي بموقع التواصل الاجتماعي قال فيها : " انتوا محظوظين ان عندكم المكتب اللي فيه سيناريستات بتكتب للاخ عمرو محمود ياسين مسلسلاته "

ورد عمرو بشكل قوي من خلال تدوينة طويلة حيث قال " يا استاذ يامحترم اصعب  شيء يالدنيا ان ييجي حد يبقي عايز يمحو تعبك ومجهودك بالشكل ده، وطبعا يعني كان لازم طالما ناوي تشكك فيا بالشكل ده كنت تراجعني اولا".

واضاف : " جميع قصص نصيبي وقسمتك من سيزون ١ لسيزون ٤ من تأليفي منفردا، بمعني ان مفيش حد اداني قصه او فكره ولا استخدمت ورشه لمساعدتي في الكتابة ، الا في قصتين اتنين عبر الاربع مواسم ، وهما حكايه اسمها  "جدول الضرب" كانت في سيزون ٢ وحكايه "انسى روحي وياك" في سيزون ٤  الحكايتين دول فقط اللي كنت استعنت بورشه ، فالمره الاولي في حكاية جدول الضرب لضيق الوقت، و كنت بقول لهم تتابع الحلقه ويكتبوا المشاهد ويبعتوها اقوم انا مراجع المشاهد تاني اللي انا قلت عليها واعدل بالحوار مره تانيه واراجع الحلقه وبعدين اطلعها  ".

 وتابع : "خلي بالك انت ببوست زي ده بتهد مجهود وتعب انت لا تتصوره، اي حد  شارك في نصيبي وقسمتك يعلم جيدا مين اللي كتبه كله، اي شخص اي فرد عارف كويس اللي بقوله فميصحش كده يا استاذ".