أين أصبحت رحلة ملكة جمال مصر في صراعها مع السرطان؟

بعد كشفها عن ورم خبيث في دماغها، وتأكيدها أن إمكان إجراء عملية جراحية مستحيل بسبب حساسية مكان الورم، أكدت ملكة جمال مصر السابقة الممثلة إنجي عبد الله المقيمة حالياً في اليابان مع زوجها الدبلوماسي، أنّ حالتها الصحية تحسنت، وأنّ الجراحة لا تزال مستبعدة.

وكتبت إنجي عبر صفحتها الخاصة على الفايسبوك:

"أنا الحمد لله كويسة ومبسوطة أوي علشان عرفت ان الورم الحمد لله مش خبيث"

وأضافت "أنا عملت فحوصات كتير هنا في اليابان واللي اتأكدت منه دلوقتي انو مش خبيث لأن حجم الورم متغيرش من شهرين، وفي احتمالات تانيه كتير إنه يكون فيروس او انفكشن، بس هعرف النتيجه النهائيه كمان اسبوع".

وأكدت إنجي أنها دخلت المستشفى لمدّة أسبوع، وقامت بعمل الكثير من الفحوصات للمخ وعينة من النخاع الشوكي وقالت  "والله العظيم كل الدكاترة اللي متابعين حالتي هنا مذهولين، في صورة الأشعة باين حجم ورم وكبير في مكان خطر هو جزع المخ اللي ميقدروش يخدوا عينه منه لأنه في مكان خطر ، بس انا معنديش اي اعراض خارجية غير لما امشي لمدة طويلة بفقد الاحساس برجلي واحيانا بشوف كل حاجه قدامي اتنين، وهما مش عارفين ازاى ده ممكن يحصل، وفعلاً شايفني حالة غريبة لأن الاعراض اللي عندي حاجه بسيطه قدام الاشعات اللي شايفنها".

اقرئي أيضاً: طوني خليفة يبرىء أحلام ويهاجم نضال الأحمدية

وتابعت "بس هقول الحمد لله ان الدعاء اللي اتدعالي من كل الناس اللى حواليا اهلي واصحابي مسلمين ومسيحيين وحتى بوذين هنا من اصحابي في اليابان ، والحب و الخوف اللي شفته من الناس عليا وحتي جوزي اللي ربنا اكرمني بيه ووقف جنبي وكان بيراسل اكبر مستشفيات في لندن وأمريكا لحد الفجر هنا علشان فرق التوقيت بينا، حسيت انا اد ايه محظوظه ومكنش فارق معايا ايه ممكن يحصلي كفايه اني شفت الحب ده من كل اللي حواليا، وساعتها كنت بفكر انوا خلاص كلها شويه وقت مش اكتر، بس كنت سعيده و عمري حتي ما عيطت مرة ، قلت كلنا لينا وقت وانا ممكن وقتي جه، بس كفايه اني كنت محظوظه وشفت حب الناس واد ايه دي نعمة".

اقرئي أيضاً: جو رعد يفضح عادل كرم ومخرج برنامجه ناصر فقيه

وختمت قائلة " بس الحمد لله أنا كويسة وفي أمل كبير أوي دلوقتي انها تطلع حاجة ممكن تتعالج، انا فعلا بشكر كل اللي حواليا وحاسه ان كل الدعا اللي اتدعالي فرق كتير وعندي ايمان ان ممكن يكون غير من حاجة وحشة كانت هتحصلي، بجد شكرا من قلبي وربنا يحميكوا لاهلكو وكل الناس اللي بيحبوكوا وبتحبوهم .شكرا".