نور: صورت مشهد 20 مرة مع صلاح عبدالله في الرهينة.. ومصر احتضنتني

تحدثت الفنانة نور، عن أعمالها الفنية وعن الفيلم المفضل لها، بجانب الحديث عن بداية مسيرتها في التمثيل، ومكانة مصر بالنسبة لها.

وقالت نور خلال لقائها مع الفنانة إسعاد يونس في برنامجها صاحبة السعادة: أنا مصر احتضنتني، وبحس كل الناس موجودة جنبي، وعمري ما حسيت نفسي لوحدي ودايما الناس هنا بتساعد بعض ويقولولي عايزة أيه ومحتاجة أيه، واتعودت على مصر وعلى الحياة هنا بسرعة وبقيت باكل من الشارع زي كل الناس وعرفت كل حاجة في مصر.

وواصلت: البداية جت لما روحت شركة أعلانات وبقيت أجي مرتين تلاته أعمل أعلان وأرجع لبنان، وعرفت أنهم عايزني أمثل، وروحت عملت تجربة أداء وقولتلهم أنا مبعرفش أمثل ولا بعرف أتكلم مصري وكانوا عايزني عشان فيلم صعيدي في الجامعة الأمريكية، بس محصلش نصيب فعملت فيلم شورت وفانلة وكاب.

وأضافت نور: فيلم الرهينة من أحب الأفلام إلى قلبي؛ لأني عملت شخصية مختلفة وصورت أول مشهد مع صلاح عبد الله 20 مرة لأن ساندرا نشأت المخرجة خلتني أغير أسلوبي في المشهد، وفيلم ملاكي أسكندرية مشهد السجن هو المفضل ليا، وأنا بقول مقتلتهوش.. قولتلك مقتلتهوش.

والجدير بالذكر، فيلم الرهينة من تأليف نادر صلاح الدين، وإخراج ساندرا نشأت، وشارك في المسلسل العديد من الفنانين من بينهم أحمد عز، ياسمين عبد العزيز، صلاح عبدالله، وماجد الكدواني.