الجمهور يتعاطف مع مي عز الدين بعد اعلانها عن إجراء عملية جراحية

أعلنت الفنانة مي عز الدين خضوعها لعملية جراحية خلال الفترة المقبلة وذلك من خلال خاصية ستوري عبر حسابها الشخصي على موقع تبادل الصور والفيديوهات "إنستجرام".

وقالت مي: “شكرًا على سؤال الجميع عدت النهاردة أحسن وبإذن الله هعملها السنة دي لأني ما بقتش قد كرايزتها أكتر من كدا  من أيام عمر وسلمى ٢ وأنا بحاول أعيش بيها بس واضح إنها لازم تتشال الحمد لله”.

وتصدرت الفنانة مي عز الدين تريند مصر على تويتر، بعد إعلانها عن حالتها الصحية، وخاصة بعد أن داهمتها آلام المرارة، وإعلانها عن مخاوفها من إجراء عملية جراحية إذا استمرت آلامها.

 أثارت آلام مي عز الدين نشطاء مواقع التواصل الاجتماعي، ليعلن البعض عن قلقه، وآخرون أكدوا لها على ضرورة إجراء العملية الجراحية لإزالة المرارة، وأرجعوا السبب إلى أن آلام المرارة دائمة التجدد ولا تغادر صاحبها.

وكتبت مي عز الدين عبر إنستجرام قائلة: "كريزة مرارة قوية طول الليل من بعد 12 لو استمرت عملية، بإذن الله أنا واخدة مسكنات قوية ولسة هناك دلوقتي من الوجع طول الليل يا رب بكره مستاهلش العملية".

وردت رومي ورودي عمر "دا أنا لسه بقول مش باينة ليه ومفيش أخبار عنها ربنا يشفيها يا رب ويشفي كل مريض".

وعلقت لمياء درويش قائلة: "هي كدة كدة هتعملها عمليه المرارة وجعها مش بيخف".

وقالت إلهام محمد "مش عارفة ليه كريزة المرارة مش بتيجي إلا بعد نص الليل".

وأضافت مامة عمرو وأحمد "الحمد لله فوقت منها مش بتيجي الا بالليل مفيش مسكن بيقدر عليها".

وتابعت ياسمين الشرقاوي قائلة "هتعمليها يعني هتعمليها.. قلبتِ عليا المواجع عموما وجع المرارة بيهدا لوحده بعد فترة ومفيش مسكنات بتأثر فيه غير إنه بيجي كل فترة شيليها أرحم لأن وجع تعبها بشع ميأثرش فيه أي مسكن مهما كانت قوي"

أما رانيا البحيري فقالت: "وجعها بيبقى صعب أوي للأسف ربنا يشفيها ويعافيها يا رب".