سمية الخشاب: ندى الكامل سمعت نصيحتي وانفصلت عن الفيشاوي

حلت الفنانة سمية الخشاب ضيفة على الإعلامية ياسمين عز في برنامج "كلام الناس" المذاع عبر قناة MBC مصر، وعلقت خلال اللقاء على انفصال الفنان أحمد الفيشاوي عن زوجته ندى الكامل حيث أوضحت سمية الخشاب أنها تعرفت بندى الكامل قبل فترة ويوجد بينهما أصدقاء مشتركون، والتقت بها مؤخرا في مهرجان الجونة وقالت سمية الخشاب: "أنا في مرحلة معينة كنت خايفة عليها؛ شوفتها في الجونة وكان في مشاحنات خفيفة، أنا هديت الموقف لإن إحنا في مهرجان. بعدها قلتلها شوية نصايح، وأنا مبسوطة إنها سمعت نصايحي."
‎وأضافت: "أنا مبسوطة إنها انفصلت بطريقة راقية، وكتبت بوست راقي وشيك جدا، إن في احترام متبادل وانفصال بشكل كويس، وإنها خدت حقوقها. طبعا أتمنى لأحمد الفيشاوي كل التوفيق، وهو طيب ولطيف جدا، بس حلو لو الناس مش قادرين يكملوا مع بعض ينفصلوا بطريقة حلوة."

كشفت الفنانة سمية الخشاب عن النظام الغذائي الذي بدأت مؤخرا اتباعه في وجبة الغداء، ونصحت بأكل الكوارع خاصة في فصل الشتاء قالت سمية الخشاب: "مؤخرا احترمت نفسي وبقيت أهتم بصحتي وأملا بطنى بطبق السلطة عشان أشبع. قبل كده كنت بضرب مكرونة بالبشاميل ومحاشي زي ما قلبك يحب ؛ أنصح كل الناس بما إننا في الشتا بالكوارع وخصوصا الرجلين الأمامية للبقرة، هاتوها واغسلوها كويس جدا، وادخلوا على يوتيوب هتلاقوا طرق كتيرة جدا للكوارع. مفيدة جدا لو بتشتكوا من آلام الظهر والعظم والمفاصل، وكلها كولاجين وحلوة قوي لوشكو. أنا من ساعة ما بدأت آكل كوارع وضعي إتغير ؛لما تكونوا زهقانين انزلوا اشتروا الخضار والفاكهة بنفسكو، والديلفري بالتليفون إنسوه، هتتبسطوا."