شيرين عبد الوهاب: عندي عفاريت في بيتي مصحباهم

حلت النجمة شيرين عبد الوهاب ضيفة على برنامج "صاحبة السعادة" الذي تقدمه النجمة إسعاد يونس عبر شاشة دي ام سي في حلقة خاصة بمناسبة رأس السنة وخلال الحلقة تحدثت شيرين في العديد من الأمور الشخصية، وكان أبرزها:
تحدثت عن بناتها قائلة: "مريم ابنتي هنومة شوية بتتكسف، رسامة ماهرة، وأنا حامل فيها كنت بلون كتير واكل بونبوني وشيكولاتة، طالعة بتحب الحلو والرسم وهما الاتنين شطار في المدرسة جدا جدا أما بنتى هنا ذكية عارفة عايزة تعمل ايه، مش عارفة عايزة تبقى ممثلة أو حاجة بتحاول تمثل"
كما علقت قائلة: "عندي شوية عفاريت في البيت حلوين ومصاحبهم، الحاجة تبقى قدام عيني حالا وفجأة مش موجودة، وأول ما ابتدي أرحب بيهم وأدلعهم ألاقي الحاجة، بسمع حاجات بتناديلي، وأقول حاضر جاية أهو.. مش بروح لكن برد السلام، مش بخاف منهم".
كما تحدثت عن شعرها قائلة: "الآن الوضع أريح، بغسل شعري 8 مرات أثناء الاستحمام، ولا أحمل هم تسريحه وضبطه أول حاجة كنت خايفة منها بعد ما حلقت شعري، قبل ما اطلع هي البنات وإنهم يتعقدوا ويقولوا إيه ده.. بس طلعوا عيال مكحرتين وبيفهموا ويقدّروا ؛ مش كل واحدة تتخانق مع جوزها تحلق وتقول بقلد شيرين؛ محاربات مرضى السرطان أبلغوني أنهم مش مكسوفين من شكلهم فأنا محنتي جت أمل بالنسبالهم.. فعايزة أقولهم إحنا لا نقل أنوثة".
وتابعت: "سيدنا القماص" أكتر أغنية بتعبر عني وأغنية "بتوحشني" مازالت قادرة على إبكائي.