كشفت الفنانة المصرية رانيا فريد شوقي عن حقيقة خضوعها لعملية تجميل في الفترة الماضية.
رانيا صرحت أنها خضعت لعملية لإزالة الانتفاخ الدهني تحت عينيها، المعروف بـ "قبة العين"، والذي ورثته عن والدها، وقالت: "عملت بوتوكس، ومعملتش فيلر، لأن وجهي مش محتاج فيلر".
كما كشفت رانيا أنها اضطرت إلى زيارة طبيب نفسي بعد انفصالها عن زوجها الدكتور عاطف عوض مصمّم الرقصات وعميد معهد الباليه في أكاديمية الفنون وقالت: "أكيد زرت طبيب نفسي لأن ده علم، وكان ساعتها بعد فترة انفصالي عن أبو البنات وكنت عايزة أعرف إزاي اتعامل واحتوي البنتين".
وتابعت: "مجليش اكتئاب، لأن كل ما بحس إنه هيجيلي بفوق نفسي إنتي ازاي بتتبطري على نِعم ربنا، وابتديت أخلي شيطاني ميغلبنيش، أنا مش شخص مثالي وعندي غلطات وعيوب بشوف غلطاتي حتى في التمثيل، وكمان مابركزش في الحلو اللي بعمله ودايماً بركز مع الحاجة اللي فلتت مني عشان أبقى أحسن في اللي بعده".
وكشفت رانيا إن هوايتها الثانية بعد التمثيل هي الطبخ: "بستمتع بالمطبخ وطول رمضان أنا اللي بطبخ، وبحبه جداً، أمي شاطرة أوي فمطلعانا شاطرين ولينا تذوق خاص ومش أي حاجة تعجبني".
أضف تعليقا