أول تعليق لشيرين على طلاقها مع عمرو أديب

خلال لقاء مسجل مع الإعلامي عمرو أديب في برنامج الحكاية، علقت شيرين عبد الوهاب على موضوع طلاقها من حسام قائلة "أنا بتكلم مع الناس بلغتي في الغناء أنا عمي ما شفت واحدة بتطلق والناس بتباركلها كده كأني راجعة من الحجاز".

وتابعت، أنا كده وهفضل كده وهفضل قوية، "أنا مش بتظاهر بالقوة الموضوع عدى خلاص انتهى خلاص وأكتر حاجة مقوياني إني بعترف إن لسه أهوه في حاجة.. أنا قولت من الأول العلاقة دي لا تصلح لازم يكون في شوية عقل، صعب إن واحدة تتجوز لتالت مرة ويكون الفرق بينها وبين جوزها سنة ولازم يكون في فرق على الأقل 5 أو 6 سنين حسام راجل وسيد الرجالة كمان.. الحتة الناقصة كانت في عقلنا".

وأكملت، "كان لازم يكون في فرق بيني وبينه علشان يبقى في شوية عقل علشان كده بنتي لما جت تلوم عليا في يوم من الأيام قولتلها حبيبتي أنا بتربى معاكم وحسام بيتربى معانا والدنيا تستاهل نجرب ونحاول والأمومة دي حاجة كبيرة ومش هسيب لعيالي فلوس هسيبلهم حب".