دنيا سمير غانم بعد حفل "قادرون باختلاف": "أول مرة أذهب إلى مكان مهم من غير ما أسمع دعاء أمي وأبي"

وجهت الفنانة المصرية دنيا سمير غانم رسالة مؤثرة إلى جمهورها بعد أن قدمت أغنية ضمن احتفالية "قادرون باختلاف" لدعم ذوي الهمم، بحضور الرئيس المصري عبد الفتاح السيسي.

وقد كانت مشاركة دنيا هي الأولى لها بعد 7 أشهر على وفاة والديها الفنانين سمير غانم ودلال عبد العزيز، حيث شكرت الرئيس المصري على دعمه، وجمهورها ومحبيها على تشجيعهم الدائم لها.

وقد ختمت دنيا رسالتها التي نشرها على حسابها الخاص في موقع "فيس بوك"، بتعبير مؤثر حيث قالت إنها المرة الأولى التي تذهب إلىى يوم "مهم" بحسب ما وصفته من دون أن تسمع دعاء والدتها لها ووداع والدها حيث قالت: "لأول مرة أروح في يوم مهم ليا من غير ما أسمعك يا مامي بتدعيلي أو ترقيني قبل ما أنزل أو بابي بيقول لي ربنا معاكي يا حبيب بابي".

وجاء في رسالة دنيا: "تشرفت النهارده بالغناء أمام سيادة الرئيس عبد الفتاح السيسي في احتفالية #قادرون باختلاف و سعدت و تشرفت بكلامه ليا جدا  وبنظرته اللى كلها أبوة".
وتابعت: "احب أشكر الجمهور العظيم اللي دايما بيشجعني و شفت في عنيهم و في ردود أفعالهم فرحتهم بوجودي في الحدث الهادف مع الملايكة اللي كانوا سبب في ثقتي بنفسي النهارده بإحساسهم الصادق في تعبيرهم عن حبهم ليا الحمد لله و فرحتهم باليوم ده وان فى حد مهتم بيهم وبيفكر فيهم وفى احتياجاتهم".
واضافت دنيا: "وبشكر كل الزملاء والأساتذة إللي اتشرفت إني كنت موجودة معاهم في نفس الحفلة و علي رأسهم الموسيقار الكبير عمر خيرت و أستاذ أشرف عبد الباقي سعيدة جدا إني ابتديت يومي بتشجيعهم و حرصهم انهم يطمنوا عليا قبل ما أطلع و كمان زملائي الأعزاء مصطفي شعبان و يوسف الشريف و المذيعين شريف مدكور و إيمان الحصري اللي مروا بظروف صعبة وعدوها بكل قوه وثبات بفضل ربنا و رحمته و كنت مبسوطة بيهم و حسيت بأد إيه أغلب الموجودين مننا كان عندهم تحديات في حياتهم زي الملايكة اللي استمدينا قوتنا منهم النهارده و من أهلهم الأبطال".

وأردفت قائلة: "بشكر كل القائمين علي الاحتفال د/أمل مبدا الأم التانية للقادرون باختلاف فخورة جدا بأخويا هشام جمال لإنه اشتغل و تعب من قلبه في إخراج الحفلة و الأغاني و اختيار الأصوات اللي دخلت قلوبنا كلنا و عن نفسي بشكره علي أغنيتي "بلادي اسلمي" كلمات الشاعر الموهوب محمد إبراهيم و ألحان العبقري المتنوع هشام جمال و توزيع الموزع الشاطر جدا مادي".

وختمت: "في النهاية حبايبي الغاليين بابي و مامي إتأثرت جدا النهارده اني لأول مرة أروح في يوم مهم ليا من غير ما أسمعك يا مامي بتدعيلي أو ترقيني قبل ما أنزل أو بابي بيقول لي ربنا معاكي يا حبيب بابي، يا رب أكون شرفتكم، بحبكم و وحشتوني أوي ربنا يرحمكم يا أغلي حاجة في حياتي".