قرار هاني شاكر بإنهاء مسيرة حسن شاكوش الفنية والاخير يرد :" مش هقعد في البيت ابدا" | فيديو

قال حسن شاكوش مغني المهرجانات، إنه لم ير أو يقرأ قرار الفنان هاني شاكر نقيب المهن الموسيقية حتى الآن الخاص بإنهاء مسيرته الفنية، متابعا: "لو كان قال بناقص حسن شاكوش، فهذا كلامه ورأيه هو حر فيه".

وأضاف في مداخلة هاتفية لبرنامج "الحكاية"، تقديم الإعلامي عمرو أديب، المذاع على فضائية "إم بي سي مصر": "لديَّ حفلات خارج مصر خلال الفترة المقبلة، وأنا عايز أرجع أشتغل في بلدي، وأنا ملتزم بقرار نقابة الموسيقيين حتى الآن، ولن أقعد في البيت".

وتابع: "تصالحت مع رضا البحراوي وعاد للعمل والغناء، وسأجري اتصالات بالنقابة لمعرفة القرار، والبحث عن حلول لإلغاء القرار".

كان الفنان هاني شاكر نقيب المهن الموسيقية أعلن إنهاء مسيرة مؤدي المهرجانات حسن شاكوش الفنية بشكل نهائي.

وقال هاني شاكر من خلال لقائه في برنامج "et بالعربي": “بعد الغلط اللي غلطه كله أنا واحد من الناس والمجلس معايا وكلنا سحبنا ترخيصه تمامًا ونهائي وبدون رجعة لأن إحنا مش ناقصين الوسط الفني هذه النوعية من الفن بناقص حسن شاكوش”.

وعلى جانب آخر، كان مؤدي المهرجانات حسن شاكوش، علق على قرار سحب تصريح الغناء السنوي منه ومنعه من الغناء نهائيًّا بعد التحقيق معه بنقابة الموسيقيين.

وقال "شاكوش"، عقب سماع القرار من أعضاء النقابة: "أنا باكل عيش، وده أول غلط ليا، ولما اتسب الـ… لأمي، ما عملتش حاجة".

وتابع مؤدي المهرجانات: "أنا اتغلط فيا، ومش أنا اللي دبحت العجل لوحدي، وأنا عارف أني غلطت، وقلت ده أول غلط ليا ومش هيتكرر تاني مهما حصل ليا".