ابنة سامي العدل تبكي وتطلب الدعاء لوالدتها .. "مليش غيرها "

طلبت رشا سامى العدل إبنة الفنان الراحل سامى العدل الدعاء لوالدتها من خلال منشورا عبر حسابها بموقع فيسبوك .

وكتب رشا العدل :"رجاء من كل الناس اللي بتحبني او حتي مش بتحبني ادعول أمي أنا ماليش غيرها في الدنيا دي من بعد بابا الله يرحمه یا رب یا رب یا رب قوم أمي بالسلامة و عديها علي خير".

ولم توضح رشا طبيعة المرض الذي تعاني منه والدتها، الا انه قد انهالت عليها التعليقات والدعوات متمنين لوالدتها الشفاء العاجل

وشاركت رشا سامي العدل، متابعيها من قبل حزنها على فراق والدها الفنان الكبير سامي العدل.

ونشرت عبر حسابها الشخصي على موقع التواصل الأجتماعى فيسبوك: “ حبي الكبير الاعظم علي الاطلاق... وحشتني و وحشني حضنك و سؤالك عليا حتي مناكفتك ليا وحشتني و زعيقك فيه حاجة دايما ناقصة و ب احس اني وحيدة في الدنيا من غيرك و تايهة مش عارفة اتصرف و لا اخد قرارات مصيرية مش عارفة اتعامل و أواجه مشاكل ”.

و أضافت “ كنت ب استمد قوتي و طاقتي ب وجودك في الدنيا ... الحياة اهلكتني بدونك و الناس بقت وحشة قوي و مفيش رحمة في قلوبهم و اللي كان بيعمل حساب وجودك نسي اصلا انه في يوم كان يعرفك و خيرك عليه رغم ان الواحد مش محتاج غير سؤال و طبطبة من حين ل آخر بس بيستصعبوها و يستكتروها ”.

وأنهت كلامها: “وحشتني بقي و نفسي اجيلك قوي اقعد معاك و افضفض لك …الله يرحمك يا سندى ”.