وفاء مكي : مكنتش مسجونة في قضية مخلة بالشرف

رفضت الفنانة وفاء مكي الحديث عن تجربة دخولها السجن، خلال استضافتها في برنامج "نص الكلام"، الذي تقدمه الإعلامية راغدة شلهوب على قناة النهار وأبدت وفاء مكي رغبتها في عدم التطرق لهذا الموضوع فقالت : "مش عايزة أتكلم في موضوع السجن، حاجة فاتت وانتهت من حاجة وعشرين سنة، حنفضل نعيد ونزيد ؛ تجربتي تفيد غيري أو متفيدش غيري كل واحد أدرى بنفسه، أنا حعلم الناس؟ دخلت السجن عشان تعذيب الخادمات؟ حد شافني وأنا بعذبها؟ "يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين ؛ في واحدة بتطلع على السوشيال ميديا، وتقول حنتكلم عن وفاء مكي عايشة ولّا ميتة عشان تعمل تريند، محجبة وتافهة و أنا دلوقت اختلفت عن الأول، مبردش وبشتري دماغي".

وتابعت : "ابني بيدخل على يوتيوب وبيعرف، أنا مش قضية مخلة بالشرف، وبقول له متثقش في الكلام ده ؛ لو كنت مشيت على منهجي دلوقتي زمان كانت حاجات كتيرة إتغيرت في حياتي ؛ ربما ربنا عمل كده لحكمة يعلمها، أنقذني من حاجة تانية ؛ الإنسان مسير مش مخير ولا يخطو إلا بإذن الله".
 

أوضحت الفنانة وفاء مكي أنها لم تتحجب، وظهرت بالحجاب بسبب استضافتها في أحد البرامج الدينية فقالت :"عمري ما ارتديت الحجاب، كان مستضيفني في برنامج ديني، وقال مينفعش نطلع بشعرنا".