ديانا كرزون تهدي نفسها بعيد ميلادها وتوجه رسالة لزوجها

احتفلت الفنانة الأردنية ديانا كرزون بعيد ميلادها الـ 38، بنشر صورة عبر انستغرام برفقة زوجها مقدم البرامج معاذ العمري، كتبت فيها: “عيدي اليوم مميز، مميز بكل تفاصيله، عيدي اليوم ملفوف بمحبتكم، محبة بدون مقابل، محبة اهل ودعوة حلوة من ست الحبايب أمي، وخوفهم علي من نسمة الهوا، محبة جمهور معاك بكل لحظة، بفرحك …بزعلك …بنجاحك… هم جيشك زي ماهم بيحكو، حب اصحابك يلي بساندوك بكل خطواتك، واقفين بظهرك بكل ظروفك، بحسو فيك حتى وهم بعاد عنك”.

تابعت: “حب الزوج يلي عطاك حبّ غير عن أي حبّ، سند وظهر تسند علي.. أمان …وغيره.. وأحلى حب …نفس ونظره من قطعه من قلبك بوجودها بتحسسك بالحب كله (سلمى) بنتي، يلي ثبتت الحب بيني وبين ابوها وملت علينا حياتنا.. يلي احلى شعور انو حدا يناديني أم سلمى”.

أضافت: “أي نعم أنا ومعاذ بطلنا مهمين كثير عند بيت أهلي وبيت حماي، عشان سلمى صارت أساس الموضوع يعني بطلو يسألو عنا، عندهم بس سلمى هي أهم منا، طبعاً بدون قصد عشان بشوف الموضوع طبيعي، يمكن بساير بحالي، عموما الله لا يحرمني منكم”.

وأعلنت كرزون أنها أهدت نفسها بعيد ميلادها بطريقة مختلفة، وأطلقت علامتها الخاصة من مستحضرات التجميل تحت اسم “D LADY” و”D BABY” على غرار بعض أبرز نجمات العالم، وكتبت: “أهديت نفسي اني اعمل براند خاص بعد مجهود كبير وفترة طويلة عشان أعمل شي حلو اقدم لكم ياه واهديه لنفسي وبدعي ربنا يوفقني وما يضيعلي تعب.. طولت عليكم بالكلام.. بحبكم”.