رامي جمال يعتذر من زوجته بعد رسالته الأخيرة لها بعيد ميلادها

وجه المطرب رامي جمال اعتذار لزوجته بعد تهنئتها بعيد ميلادها بطريقة كوميدية اعتبرها البعض تقليل منها، بعد وصف يوم ميلادها بيوم الزلزال والبرق والرعد وقوله: "بفكر أطلقك".

وقال جمال في رسالة اعتذاره على انستغرام "آسف لو اتضايقتي يوم عيد ميلادك مني بشكل مباشر أو غير مباشر.. أصابني عدم التوفيق في استخدام كلام وهزار اعتبروه البعض استهزاء أو انتقاص من أهم شخص في حياتي رغم إني عارف وواثق في تفكيرك وطبيعة حياتنا اللي بمميزاتها وعيوبها قررت أنها تكون مش للعلن"

وأضاف: "الأراء السلبية اللي شفتها واللي انتي شفتيها لمجرد محاولتك اثبات أن كلامي عنك هو أصلا بوست ليكي قبل البوست بتاعي جدعنه منك غير مستغربة للأسف قوبلت بإنك شفتي فعلا كلام من البعض يضايق وبما إننا عايشين مع ناس ف انا بعتذرلك عن اللي حستيه بسبب هزار عارف إنك قابلاه بس من حب ربنا فيكي ومن سوء التوفيق ليا إن الناس شافته إهانه وقررت تدافع عنك".

وتابع: "آسفلك وآسف للي ضايقهم الموضوع وشكرًا جدًا ليكي واللي فهموا قصدنا من الأول بس الدرس المستفاد إني غلطت في نشر حياتي للعلن أوعدكم مفيش كلام غير في اللي بشتغل فيه.. بحبك".

وفي رسالته كان قد كتب رامي: "يارب أنت عارف أني اتجوزتها وهي عيد ميلادها ذكري الزلزال القوي اللي جه مصر، والنهاردة عيد ميلادك برق ورعد وحاجة فله".

أضاف: "كده عرفت أنا ليه لما غنيت سقف كورونا غزت العالم، الحمد لله أننا مخلفناش لأني واثق أن ابننا كان أكيد هيبقي المسيخ الدجال، نهاية العالم هتبقي بدايتها من بيتنا".