احمد ادم يبكي على الهواء : "علبة سجاير" كانت سببا في زواجي

خلال لقاء الفنان أحمد آدم مع الإعلامي خيري رمضان والإعلامية كريمة عوض ببرنامج "حديث القاهرة" على قناة القاهرة والناس بكى أحمد وهو يتذكر اللحظات الصعبة التي مر بها في حياته ومنها موقف حدث مع زوجته في فترة الخطوبة قال أحمد آدم: "وأنا خاطب مراتي، كنا لسه على باب الله، وبعدين جتلي في لحظة حسيت إن مش هينفع، الظروف متنيلة خالص، وبقت المسألة يا أسافر يا مش هينفع."

وأضاف: "ماشيين مرة في سان ستيفانو وإحنا ساكنين في محرم بك، واخدينها مشي ومعييش غير شلن في جيبي وسجارتين. كل ده أنا عايز أمهد لها إننا مش حننفع لبعض، وإنت بنت ناس ومش عايز أبهدلك، وهي بتقوللي يعني إنت كارهني مش عايزني ولّا الموضوع خاص باللي إنت بتقوله، رحت معيط ؛فجأة ببص في الأرض لقيت سجارة في سجارة في علبة سجاير، في ربع جنيه في جنيه. الشارع ده الإسكندرانية كلهم عارفينه مبيمشيش فيه بني آدم. قعدت أبص يمين شمال عايز ألاقي حد ماشي يكون وقعت منه الحاجة دي، وهي تقوللي مش قلتلك، ودي سجاير، فما بالك ربنا حيعمل فينا إيه وإحنا بنتجوز"
 

كما أوضح أنه غاب عن جنازة الفنان سمير غانم، وجنازة الفنانة دلال عبد العزيز، لظروف خارجة عن إرادته لكنه يشعر بتأنيب الضمير قائلا : "أنا زعلان جدا إن أنا معرفتش أحضر جنازة سمير غانم ودلال عبد العزيز الله يرحمهم. الموضوع أثر فيا وتعبني، ولغاية دلوقتي أنا مش مصدق إنهم إتوفوا، لإني حاسس إن أنا معزتش، ومعرفتش أعمل إيه ساعتها."

وأضاف: "حسيت كإني مقصر، بس مكانش تقصير مني، كانت ظروف خارجة عن إرادتي، بس كان لازم أهزمها وأروح، فالموضوع ده مؤنب ضميري قوي.