منى زكي تكشف تفاصيل من حفل زفافها: "أبي حاول إفساد زواجي من أحمد حلمي"

تحدثت الفنانة منى زكي عن أيام لقائها بزوجها الفنان أحمد زكي وتعارفهما، كما كشفت تفاصيل من حفل زفافهما.

حديث منى جاء خلال حلولها ضيفة على برنامج "صاحب السعادة" بموسمه الجديد مع الإعلامية إسعاد يونس، حيث كشفت عن موقف والدها لحظة عقد قرانها على النجم أحمد حلمي، وعن حفل زفافها، قالت إنه حاول أن يفسد الفرح بنفس طريقة النجم عادل إمام في فيلم "عريس من جهة أمنية"، وقالت عن ذكريات حفل زفافها: "أنا فاكرة يوم الفرح، خالتي جايه ورا بابا وبتقوله لما توصل لأحمد إديله منى عادي، ويوم كتب الكتاب الجوازة كانت هتبوظ وبابا اختلق قصة عشان كل حاجة تبوظ زى عادل إمام فى فيلم عريس من جهة أمنية وكلمت جدتى عشان تكلم بابا ويهدى الدنيا". وقالت منى أنها استعانت بجدتها لإنقاذ الموقف.

وأضافت منى زكى: "بعد الزواج أنا كنت بشوف أحمد بيتعلم من بابا، وحماتي أنا من أول ما شوفتها وإحنا حبايب وبابا أحمد الله يرحمه كان زي العسل، وأنا مكنتش مقررة ولا أتجوز ولا أخلف بس جبت بنتي لي لي، وأنا عندى 24 سنة، وجبت آخر أولادى وأنا عندى 40 سنة وأنا كبيرة طريقة التربية اتغيرت ودلوقتي عاوزه كل اللي أعمله أحبهم وأديهم حب واهتمام وأوقات ليها معنى".

وعن بداية علاقتها بزوجها الفنان أحمد حلمي قالت أنه فى بداية رؤيتها له قالت إنه "رخم"، ولكن سرعان ما أحبته، وأضافت قائلة: "كنت في مرة في مكتب المنتج محمد فوزي، وكنا هنعمل مسرحية بطولة عامر منيب، وقاللي إن فى دور عنده بيفكر يجيب فيه أحمد حلمي وكان وقتها بيعمل برنامج لعب عيال، وأنا كنت بتابع البرنامج ده بس مكنتش عارفة وشه لأنه بيظهر بضهره".

وتابعت: "قلت للمنتج محمد فوزي يا ريت ده حد لذيذ أوى، وأنا بيني وبين نفسى عاوزة أشوف وشه، ولما جه المكتب سلم بطريقة غريبة كده، وبعدين جاله تليفون وأنا ومحمد فوزي دخلنا البلكونة بنتكلم وقلتله لا ده طلع رخم أوى ومش لذيذ زي البرنامج، وقلتله جربه أنا مش عارفة، ووقتها كنت بقول عليه انه رخم أوى على الحقيقة".