طرح الفنان المصري رامي جمال أغنيته الجديدة بعنوان "كنا ممكن نتفق" من ألبومه الجديد "ولسه"، وذلك عبر قناة "نجوم ريكوردز" على "يوتيوب".
الأغنية من كلمات أحمد حسن راؤول، وألحان محمد حمزة، وتوزيع وميكساج وماستر أمين نبيل، وإنتاج نجوم ريكوردز.
وطرح رامي جمال، من ألبومه الجديد، أغاني: "قلة الإحساس" من كلمات جمال الخولي، وألحان رامى جمال، وتوزيع وميكساج وسام عبد المنعم، و"دقيقة واحدة" من كلمات رفيق نجيب، وألحان ياسر نور، وتوزيع موسيقي وميكساچ وماستر وسام عبد المنعم، و"مبتكبريش" من كلمات أحمد المالكي، وألحان سهم، وتوزيع نادر حمدي، وأغنية "ولسه" من كلمات جمال الخولي، وألحان رامي جمال، وتوزيع أحمد إبراهيم.
ألبوم "ولسه" هو الخامس للفنان رامي جمال والثاني له بعد إعلان إصابته بمرض البهاق، حيث أطلق في كانون الأول/ديسمبر 2020 ألبوم "أنا لوحدي"، وكان قد أعلن جمال عند معرفته بالمرض في العام 2019 أنه يفكر بالاعتزال.
وكان الفنان قد أعلن إصابته بمرض البهاق، في تشرين الثاني/نوفمبر بعد ظهور بقع بيضاء اللون بمناطق جسده، دون أن يجد له علاجًا، وقرر أن يشارك الجمهور الأمر ليضع حلين أمامه إما الاعتزال أو أن يتقبله الجمهور بهذا الشكل".
وقال رامى جمال حينها من خلال حسابه الشخصي على إنستجرام: "الحمد لله الذى أحبنى فابتلانى وأقدرنى على الصبر.. من فترة ظهرت بقع بيضا فى جسمى وبالكشف عرفت إنه مرض البهاق، وجربت أنواع علاج كتير ودكاترة كتير ومفيش فايدة".
وتابع: "رضيت وسلمت أمرى لله عشان عرفت إن الزعل بيزوده وكفاية شغلانتى وصعوبتها والقلق الدائم من المستقبل، وفعلا بقى بيزيد لدرجة لفتت نظر ناس كتير، اللى بقى يقوللى هتتعامل إزاى وأنت فنان واللى يخاف يسلم عليا واللى يسألنى هو ده معدى".
وأضاف: "أنا بقالى سنة فعلا لو عندى حفلة أو تصوير بتعب على ما أشوف طريقة أخفيه بيها، لدرجة خلت ناس تقولى شوف بيزنس تانى اعمله عشان الناس مش هتقبلك كدة، وفكرت فى كلامهم بصراحة".
وختم حديثه: "لقيت إن عندى حلين يا فعلا شكرا لحد كدة على الشغلانة دى رغم حبى ليها وعدم معرفتى بغيرها، يا إما مش هداريه تانى وتقبلونى بيه وترحموا كل اللى ربنا ابتلاهم بيه من نظرة أن شكله غريب، والحمد لله على نعمة الأهل لإنهم الوحيدين اللى بيقبلوا الواحد زى ما هو".
أضف تعليقا