أعلنت الإعلامية ريهام سعيد قرار اعتزالها التمثيل نهائيًا، للتفرغ لمهنة التمثيل والتي هي مهنتها الأساسية قبل الدخول في المجال الإعلامي، مشيرة إلى أنها اتخذت قرار الاعتزال مهنة الإعلام في العام 2015، لكن واجبها اتجاه تأدية رسالتها الإعلامية منعها من ذلك.
إعلان ريهام جاء من خلال بوست نشرته على حسابها الخاص في موقع "انستغرام"، أشارت فيه أنها تعلم أن قرارها جاء متأخر لكنها ستلاحق حلمها حتّى لو في هذا العمر.
ولتأكيد فكرتها، استعانت ريهام بتجارب زميلات لها، حيث قالت إنهن لم يحققن النجاح في التمثيل إلا بعد الابتعاد عن مهنة الإعلام نهائيًا منهن دينا الشربيني ودينا فؤاد وداليا البحيري وبسمة.
وكتبت ريهام في موقع إنستغرام: "فكرت كتير قبل ما أكتب البوست ده، أنا اعتزلت التمثيل سنة 2015؛ لأني حسيت إن صاحب بالين كداب، وإن التمثيل مأثر على مسيرة الخير اللي ابتديتها من سنين طويلة، عشان الوقت والمجهود اللي بعمله، لكن عشقي للتمثيل اللي هو دراستي ومهنتي الأولى قبل الإعلام، رجعت أمثل تاني، وأنا لسه في نظر المخرجين والمنتجين مذيعة عايزه تمثل".
وأضافت: "كنت عارفة إني عشان أخد مكان كممثلة؛ لازم أسيب الإعلام، زي- مع حفظ الألقاب- داليا البحيري وبسمة ودينا فؤاد ودينا الشربيني" وغيرهن، بس مكنتش قادرة أسيب رسالتي اللي كانت مهمة أوي وقتها".
وتابعت قائلة: "أنا حصلت لي مشاكل كتير من المهنة دي، بتأثير باطل من السوشيال ميديا من منافسين وأعداء، أنا تعبت وحاسة إني قدمت كل اللي ممكن يتقدم، والدولة عامله اللي عليها، ومش محتاجين دور المجتمع المدني في مساعدة الناس، ولكن أنا ليَّ الشرف إني اشتغلت في المهنة العظيمة دي، اللي ليها رسالة سامية وعظيمة، وليَّ الشرف إني كنت إعلاميه في أصعب وقت مر على الإعلاميين أيام حكم الإخوان، والحمد لله كان لينا موقف واضح وما اتغيرش ولا دقيقة".
وواصلت حديثها قائلةً: "أنا الحمد لله حققت كتير في التمثيل، وكل اللي اشتغلته علِّم مع الناس، واشتغلت أعمال كلها قيِّمة، بس بعد ما جالي السكر وشوية مشاكل تانيه؛ قررت أعمل اللي بحبه، أنا بكل أسف بعلن اعتزالي الإعلام تماما، وهركز كممثلة، وهاطلب من الدكتور أشرف زكي إنه يساعدني إني أغيَّر الفكرة الموجودة في أذهان المخرجين والمنتجين إني مذيعة."
وأكملت ريهام سعيد منشورها: رسالة للأستاذة كاملة أبو ذكري، ومش مكسوفة، نفسي أوي أمثل معاكي، حتي لو مشهد، ده من أحلامي، خطوة صعبة وفيها ريسك كبير، بس على الأقل أجري ورا حلمي حتى وأنا في السن ده.. جه الوقت إني أستمتع باللي بعمله وبحبه، خصوصا لما يكون في عَصر ولا فيه واسطة ولا محسوبية، اللي هيجتهد هيوصل.
واختتمت ريهام رسالتها: ماتسيبوش حِلمُكم مهما فات الوقت، بشكر جمهوري من الأمهات والشباب والأطفال اللي دايما بيدعموني، وحبوا برامجي واتعلموا منها، وبشكر ربنا على 20 سنة، اداني الفرصة فيها إني أقضي حوائج الناس، وأقدم كل ما هو مفيد، فخورة بكل حلقة، وبكل حرف قدمته، 20 سنة تعب وسهر وتصميم على تقديم الحقيقة، أنا آسفة ليكوا، بس التمثيل رسالة برضو، وهو حلمي الأساسي اللي اتأخرت أوي عشان أحققه، يا رب وفقني وساعدني.
يذكر أن ريهام تعاقدت مؤخرًا على المشاركة ببطولة مسلسل "السيدة زينب" للنجمة سوسن بدر المقرر تصويره ما بين القاهرة وبيروت، وتجسد ريهام شخصية سمية، ويشارك في بطولة المسلسل دينا، احمد وفيق، محمود عبد المغني، فراس، أشرف عبد الغفور ومن اخراج محمد النقلي.
أضف تعليقا