إنقاذ المخرج ماندو العدل من الموت غرقًا

 شارك المخرج ماندو العدل جمهوره ومتابعيه عبر حسابه الرسمي علي موقع تبادل الفيديو والصور إنستقرام بمنشور له كشف من خلاله عن تعرضه للغرق أثناء قضاء أجازة الصيف في احد القرى الساحلية . 

وقال ماندو العدل في منشوره  "النهاردة نزلت البحر وأنا بعرف أعوم كويس ..دخلت جوة شوية و بعدين حسيت إنى تعبان و مش قادر أقف حتى فى المياه و ماليش طول.. عومت عشان أرجع و المسافة كانت بعيدة.. ابتدى نفسى يروح وبقيت حتى مش قادر أرجع على الشط.. لولا ستر ربنا وواحد كان بعيد عنى شوية.. قعدت أنادى و أشاورله فجالى و سحبنى لغاية ما بقى ليا طول.. كنت روحت فيها.. الحمد لله على كل حال و شكرا للى أنقذنى ويارب حسن الخاتمة".

​

وكانت أخر أعمال المخرج ماندو العدل مسلسل "بين السما والأرض" الذى طرح الموسم الرمضاني الماضى في 15 حلقة، وقام ببطولته هانى سلامة، درة، يسرا اللوزى، سوسن بدر، نجلاء بدر، نورهان، ندى موسى، أحمد بدير، منى عبد الغنى، محمود الليثى، أحمد السلكاوى، مصطفى درويش، والعمل سيناريو وحوار إسلام حافظ، والقصة مأخوذة عن قصة الأديب الكبير نجيب محفوظ، إخراج ماندو العدل، إنتاج شركة سينرجى.