"في حالة خطيرة".. شقيق ياسمين عبد العزيز يكشف آخر تطورات وضعها الصحي

شارك الفنان وائل عبدالعزيز جمهوره ومتابعيه عبر حسابه الرسمي علي موقع التواصل الاجتماعي فيسبوك بمنشور كشف من خلاله تطوارت الحالة الصحية للفنانة ياسمين عبدالعزيز وقال "صباح الخير.. أنا كل إلى هقدر أقوله دلوقتي ادعوا لياسمين حالتها خطرة".

وكان الفنان أحمد العوضي زوج ياسمين عبدالعزيز كشف عن الأمر، حين قال عبر حسابه على فيس بوك "الرجاء الدعاء بظهر الغيب لزوجتي وحييبتي ياسمين ... هي في العمليات ومحتاجة دعواتكم، اللهم إنك أنت الشافي المعافي بقدرتك على كل شيء، اللهم ارفع عنها البلاء والوباء واشفيها وعافيها". 

 وبعدها وجه العوضي رسالة رومانسية لزوجته وقال " يمكن ببان قدامكم دايما قوي .. لكن الحقيقه انا دلوقتي اضعف انسان علي وجه الارض عشان انا روحي مش معايا ... انا ضعيف جدا من غيرك انتي لازم تبقي كويسه ولازم تقومي بالسلامه ... انا لاول مره اكتب من غير ما اكون مفكر انا بكتب ايه وهكتب ايه ... بس انتي هتقومي ان شاء الله باذن الله عشان انتي وعداني وعد وهتتفذيه ... انا عاوزك تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف مره ... وانا دلوقتي مش قوي زي ما انتي بتشوفيني انا دلوقتي ضعيف ضعيف جدا .. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك .... قومي عشان انا بحبك... بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا ... اكتر بكتير حتي من الموقف اللي احنا فيه دلوقتي .. انا بحبك .. 

ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم ...