حلا شيحة تعلق على فتوى دار الافتاء المتعلقة بمهنة التمثيل

وجهت الممثلة المصرية حلا شيحة رسالة مطولة عبر حسابها على "انستغرام" أرفقتها بصورة لها برفقة ابنتها كتبت فيها "حابة أشكر كل الناس الجميلة علي رسايلهم الجميلة المشجعة وحابة أشكر كل الصحافة اللي نشرت فتوى دار الافتاء النهارده اللي موقفي هو نفس موقفها اللي بيوضح إن التمثيل و الفن عموما زي اي مهنة في الدنيا حلاله حلال وحرامه حرام".

 وتابعت "أنا لا أحب ان اكون جزء من اي نوع من التطرف سواء باسم الدين او باسم الفن.. ولو نقابة المهن التمثيلية ترفض موقف دار الافتاء الواضح فهنيئا لي بشطبها لعضويتي".

وأضافت حلا في منشورها "حبي للفن محدش يقدر ينكره ولا يزايد عليه.. انا ماتكلمتش غير عن نفسي وبقدر كل زمايلي.. الزميل الوحيد اللي ذكرته هو اللي الموضوع اصلا متعلق بيه.. وعتابي ليه لحسن ظني بيه.. والعتاب في الملأ عشان الكليب في الملأ".

وبالنسبة للكلام غير اللائق عن الأجر قالت "كل اللي في المجال شاهدين اني كنت اعتذر عن عدد كبير من الاعمال الفنية وكنت بقبل اجور اقل مما يتناسب معي تعاونا مع صناع العمل.. واصلا ما استلمتش الجزء الأخير من أجري في الفيلم لما أتأخر نزوله جدا و بدأت اتغير وأصلّح.. لأن بصراحة الكلام عن (أجر كبير) ضحكني".

وتابعت "انا فنانة بطبعي ومن صغري وكل اللي يعرفوني عارفين حبي للفن.. ودايما هعبر عن نفسي بمواهبي الفنية لما أحب لكن الجديد اني مش هاعمل كده على حساب اللي انا مؤمنه بيه بجد جوايا زي ما قولت مؤخرا.. انا لا اهاجم احد و لا احارب احد و لا انا افضل من احد و لا انصح احد قبل ما انصح نفسي اولاً و كلنا نخطئ مفيش حد معصوم من الخطأ …و بتمني الخير دايماً لكل الناس بما فيهم كل زمايلي و صناع العمل".

وختمت منشورها قائلة "مفيش اجمل من اننا نعيش و نستمتع بحياتنا و نفرح و نتبسط و نبسط ولادنا و نفرحهم و نفرح معاهم و نربيهم علي قيم و اخلاق مبقتش موجودة في ايامنا دي و نربيهم و نتربي معاهم و نغلط و نصلح و حنفضل نغلط و نصلح و نعيش مع كلام ربنا الجميل و نفرح بمنهجه و نحب الحق و العدل و الخير و الجمال و الابداع الرباني الجميل جميل اننا نعمل كل ده وفق منهج مفيش اجمل منه و لا اعدل منه و لا اعظم منه في الكون كله ".