تابعت أصالة قائلة: نحنا مابنردّ الإساءه بالأخرى ولا الأذى بمتله.. ولا الشرّ الكبير بمرادف أكبر .. بنتأمّل المصدر بنتعلمّ من الطعنه .. بنجمّد الدمع بالحناجر.. وبنردّ بما نحن عليه اليوم .. أنتي شيرين وإسمك بيكفي.
يذكر أن المطربة شيرين عبد الوهاب انهارت باكية في أول مداخلة هاتفية لها للتعليق على محاولات ابتزازها وزوجها حسام حبيب بتسجيلات صوتية ومقاطع فيديو تم تصويرها سرا لوالد الأخير، وأكدت شيرين أنها عانت طوال 27 عاما، وتحملت الكثير من الألم ولا تريد الآن إلا أن تعيش حياتها في هدوء.
شيرين عبد الوهاب ظهرت للمرة الأولى عقب تسريبات حماها، وقالت في مداخلة هاتفية مع الإعلامي عمرو أديب لبرنامج "الحكاية": بحاول أمشي جوه الحيط، وقت ما موضوع الاتهامات الغريبة كنت في أمريكا كان عندي مشكلة.
وأضافت شيرين: الحمد الله، ليا 27 سنة تعبت فيهم جدا بتأذي نفسيا عشان أنا شخص حساس، وهناك ناس كتير جدا وقفت جنبي.
وكشف حسام حبيب أن استقباله خبر تداول تسجيل صوتي مسرب لوالده كان صادمًا، مضيفًا: كنت نايم وصيحت الساعة 8 الصبح شيرين بتعيط قالت لي شوف أبوك أنا من الصدمة فكرت أبويا مات وبعدها ضحكت.
وتابع خلال المداخلة الهاتفية: شيرين كانت خايفة يحصل لي حاجة من الصدمة، وقالت لي علشان خاطري امسك نفسك طمنتني جدًا بدعاها، وحسيت إن شيرين مش زي كل مرة من كتر الصدمات اللي اتعرضت لها.
تابع حسام: أنا مقدرش أحاسب أبويا، لكن أحاسب الطرف اللي اخترق خصوصياتي.. وشيرين بتعيط مش عشان زعلت مني، لكنها زعلت عليا، قالت لي أنا مش عايزاك تشيل همي، لكن انت صعبان عليا، والناس حاطاك في الصورة دي، ودعت قالت يا رب ارزقنا حسن التصرف.
أضف تعليقا