عمرو اديب
عمرو اديب يهاجم محمد رمضان: دي فلوس الراجل اللي مات يا مفتري
شن الإعلامي عمرو أديب هجوما عنيفا علي الفنان محمد رمضان بعد ان خرج في احد المقاطع المصورة له وقال أن الحكومة المصرية تحفظت علي أمواله .
وقال عمرو أديب في برنامج الحكاية أن هذه الأموال التي تحفظ عليها البنك بسبب الحكم القضائي الصادر ضد محمد رمضان ليس أكثر، قائلا "الفلوس دي يا محمد فلوس الراجل اللي مات، دي فلوس التعويض بتاعة الرجل اللي مات، يا راجل يا مفتري الراجل مات مش كنت تروح تلم القرشين وتديها لأهله، لازم تستنى لما يجيوا يحجزوا على الفلوس علشان القاضي هو اللي يديهم الفلوس، يا راجل حرام عليك اتقي الله، أبسط حاجة كنت تعملها مش 6 مليون أدي 10 أهي وأنا أسف والأعمار بيدي الله".
وأضاف عمرو أديب " "يطلع محمد رمضان مصمم يكذب علينا تاني ويقول للعالم أن في مصر الحكومة بتحط إيدها على فلوس الناس، مصر مزنوقة في قرشين وأخدت فلوس رمضان، وقالك أنا بشيل الفلوس في البيت هو دا اللي بتعلمه للناس أنهم ميتعاملوش مع البنوك اللي في مصر وأنهم ميتعاملوش مع البنوك الوطنية، بتقولهم خلي بالك الدولة ممكن تحط إيديها على فلوسك وحطها تحت البلاطة".
ويبدو ان الأيام المقبلة ستشهد تطورا كبيرا خاصة وان هناك الكثيرين أعترضوا علي ما قام به رمضان ووجدوا أنه تشويه لسمعة مصر وطرد للمستثمرين منها .
شاهدي الفيديو :
عمرو أديب: محمد رمضان بعد ما كان عاوز يطرمخ على فلوس الراجل.. بيدي رسايل للناس ماتشيلوش فلوسكوا في البنوك وحطوها تحت البلاطةعمرو أديب: محمد رمضان بعد ما كان عاوز يطرمخ على فلوس الراجل.. بيدي رسايل للناس ماتشيلوش فلوسكوا في البنوك وحطوها تحت البلاطة #الحكاية #MBCMASR إشترك الآن في Shahid VIP من هنا: https://bit.ly/3uJH37m
Posted by الحكاية on Friday, June 4, 2021
أضف تعليقا