تعرف على تعليق هالة صدقي على طلبها في بيت الطاعة

شاركت الفنانة هالة صدقي جمهروها ومحبيها عبر حسابها الرسمي علي موقع تبادل الفيديو والصور إنستقرام بصورة لإنذار علي يد محضر من زوجها يطلبها من خلال هذا الإنذار لبيت الطاعة . 

وعلقت هالة صدقي علي هذا الانذار وقالت " "خبر سيئ لكل اللي تقدموا لي فالزوج طلبني في بيت الطاعه مع انه الشهر اللي فات عمل فيديو وطلقني فيه وصحيح هو في أمريكا وأنا في مصر فشكلها هتكون طاعه on line، استأذنكم علشان انزل اشتري الطشت والجلابية، بس حد عارف ممكن أجيب الولاد ولا لا، مقوله غراب البين طلعت كذب، مفيش فراق ولا حاجه بلاغ للعرسان لما افض الاشتباك هنعمل طلبات جديدة، المسخره بعينها".

وكانت هالة صدقي  كشفت حقيقة حضور عدد من الفنانات حفل زفاف عقب دفن الفنان سمير غانم وقالت هالة صدقي في منشور لها "أنا أريد وأنت تريد والله يفعل ما يريد، نزلت من دبي لحضور فرح روحت العزاء واعتذرت عن الفرح".

وأضافت "وكما هو معروف في الوسط الفني أن الفنانين العظماء دول كانوا لا يمكن يسيبوا أي واجب سواء عزاء أو زيارة مريض، وفِي يوم سألت رجاء يا رجاء أنتي ليه بتروحي لكل من هب ودب حتي لو علاقتك بيهم مش قوية وتتعبي نفسك مع ناس ما تعرفيهومش، كانت تقولي علشان في عزائي عايزة الدنيا كلها تقف مع أميرة بنتي ويبقي عزاء كبير، وتتركنا رجاء في ظروف الكورونا وخلسه أصدقائها المقربين جدا هما بس اللي يروحوا عندها يعزوا نفسهم ويعزوا أميرة بنتها، ودلال حضرت عزاء مصر كلها وأهم عزاء لها حبيبها وجوزها وعشرة عمرها ما تحضر العزاء ولا عارفين رد الفعل لما تعرف بخبر شريكها في الحياة، وأنها الوحيدة اللي ما ودعتهوش".

واختتمت منشورها وقالت  "أوعى تحسبها أبدا سيبها علي ربنا واللي رايده هيكون، الإنسان مسير وغير مخير، الله يرحمك يا مبدع ويصبر بناتك وحبايبك".