رانيا ياسين عن خلاف شقيقها مع ياسمين عبد العزيز: ماليش في التلقيح

ردت الفنانة رانيا محمود ياسين على سؤال وجهته لها إحدى متابعاتها على موقع الصور إنستجرام يتعلق بأزمة شقيقها السيناريست عمرو محمود ياسين والفنانة ياسمين عبد العزيز بسبب مسلسل اللي مالوش كبير.

حيث قالت إحدى المتابعات  لـ"رانيا": مبروك المسلسل.. كنت عايزة أسألك على حاجة كان في مذيعة عربية اتكلمت على خلاف أستاذ عمرو وياسمين عبد العزيز وقالت إنك كتبتي كلام تلقيح على ياسمين وحش علشان خلافه مع أستاذ عمرو.. هل ده صحيح؟

وردت رانيا على السؤال قائلة: "بقولك حبيبتي أنا لا بلقح على حد ولا ليا في تلقيح أنا بقول للأعور أعور في عينه ولا يهمني أي حد في الكون دي حاجه معروفه عني اني مش بخاف لكن اعرف حدودي كويس انا لما بكتب حاجه علي صفحتي بيبقي رأيي الخاص.

والله لو البوست ده جه علي مقاس حد يبقي دي مشكلته مش مشكلتي وأنا ماليش دعوة بخلافات مسلسل اللي مالوش كبير، عمرو ياسين كاتب كبير له رؤيته اللي ناس كتير جدا بتحترمها هو يرد بنفسه أنا لا أتدخل في شغله أنا في شغلي فقط.. تحياتي".