بسبب كوفيد 25..خناقة بين راندا البحيري واحد المتابعين على فيسبوك

أشادت الفنانة راندا البحيري بأداء يوسف الشريف في مسلسل  "كوفيد 25" ، الذي يعرض الآن ضمن المارثون الرمضاني الجاري.

وكتبت "راندا" عبر حسابها الشخصي على موقع التواصل الاجتماعي "فيس بوك: أنا منبهرة بأداء يوسف الشريف في المسلسل.. أنا كمشاهدة كنت دايما بتفرج على شغله كله، وكنت ببقى مبسوطة وانا بتابعه، خصوصا أعماله مع الاستاذ احمد نادر جلال و فيلمه الأخير".

وتابعت: "عايزة أقول إن يوسف وصل لحالة مهمة من النضج الفني ، و بجد مذاكر الشخصية ومجتهد وعامل مشاهد كتير جدا صعبة أوي، عايزه أحييه على تقمصه وعلى أدائه الرائع في المسلسل، ألف مبروك كمان للضهر و السند إنچي علاء تأليف و ستايلست رهيبة من تقدم لتقدم و من نجاح ل نجاح".

ومن خلال التعليقات هاجم أحد المتابعين راندا البحيري قائلا:" يا فندم احنا مالنا احنا عايزين نعبد ربنا الأيام دي احنا محتاجين ليلة القدر مش محتجانكم انتو ابعدو عنا".

وردت راندا على تعليق المتابع، قائلة:" حضرتك ابتعد انت عننا هو انا اللي خليتك تعمل الفولو هنا ولا انا اللي طلبتك انك تاخد من وقتك اصلا عشان تكتبلي الكلمتين دول انت مالك ومالي".

يذكر أن مسلسل كوفيد 25 من تأليف إنجي علاء، إخراج أحمد جلال، بطولة يوسف الشريف، أحمد صلاح حسني، أيتن عامر، إدوارد، إيناس كامل، راندا البحيري، محمد عادل، أمير صلاح الدين، ميرنا نور الدين، ديانا هشام، إسلام جمال، زكي فطين عبد الوهاب، وعماد رشاد.