"أحمد عز السبب" .. ريهام سعيد تكشف كواليس الخلاف بينها وبين زينة|فيديو

كشفت الإعلامية ريهام سعيد، سر الخلاف بينها وبين الفنانة زينة، لافتة إلي أن الفنانة استائت بعدما قامت بتخصيص حلقة عن أزمتها مع الفنان أحمد عز.

وتابعت خلال لقائها ببرنامج "شيخ الحارة والجريئة" الذي تقدمه المخرجة ايناس الدغيدي بقناة "القاهرة والناس":"انا عملت حلقة عن قضية زينة وأحمد عز باعتبارها قضية رأي عام، ولكنها استاءت من ذلك، وحاولت اصالحها أكتر من مرة ولكنها فهمت إنى بحاول اصالحها علشان تتنازل عن القضية اللى رفعتها ضدي ولكن الفكرة إنى كنت حامل في الشهر التاسع وتعبت من الذهاب للمحاكم وكمان مكنتش عايزاها تزعل مني".

وأضافت:"أنا أعرف زينة من زمان واحنا صغيرين لما كانت مخطوبة للفنان تامر عبد المنعم، وبعدين لما بقيت مذيعة وهي بقت ممثلة واتقابلنا محستش انها حباني".

وأوضحت:"محاولات الصلح مع زينة فشلت لأنها طلبت فيديو اعتذر لها فيه مع أحمد الهواري ضيفي بوساطة من القناة وبالفعل عملت الفيديو واعتذرت وبعتنالها الفيديو علشان تشوفه فكان ردها مش عاجبني شكلكم مش زعلان أو ندمان وانتم بتتكلموا، ورفضت الفيديو يتعرض".

وأكملت:"انا كلمت زينة وقلت لها طلعيلي كلمة واحدة انا غلطت فيكي فيها، وانا عمرى في حياتي ما حد زعل مني وانا معتذرتش له".

وأشارت:"عملت فيديو تاني أعتذر فيه للفنانة زينة، ولكن القضية خلصت ببراءتي ولكن هي لسه زعلانة ومبتحبنيش".