أول رد من تامر عاشور بعد التنمر من مريضة سرطان

تعرض الفنان تامر عاشور خلال الساعات القليلة الماضية لهجوم عنيف وصل للسباب من قبل رواد مواقع التواصل الاجتماعي ذلك بسبب صورة قام بنشرها مع أحد الفتيات المصابات بمرض السرطان وعلق عليها تعليق وصفه الجميع بأنه غير لائق تماما واعتبره الكثيرين تنمر علي الفتاة المريضة . 

وخرج تامر عاشور في منشور له عبر حسابه الرسمي للرد علي كا هذا الهجوم وقال "صباح الخير انا طول حياتي ومشواري عمري ما اتريقت على حد سليم علشان اتريق على مريض حاش لله  واللي اخد كلامي تريقه على مريض نفوسهم ضعيفه وهم اللي مرضى بيفرقوا بين المريض والشخص الطبيعي."

وأضاف تامر "لو نزلت صورتي مع اي طفل اللي هو غير مُكلف بالصيام  وقولتله ب اي طريقة متشربش مياه قدامي يا فاطر " او "خد دي يا فاطر انا صايمحد هيتكلم ؟ مستحيل علشان طفل طبيعي لكن المريض لاااااا منهزرش معاه زي الطبيعي علشان هو مريض ونفضل نقوله مريض مريض مريض ونحسسه بمرضه من تعامولاتنا". 

وتابع تامر منشوره "المرض الحقيقي هو التفرقه بين اطفالنا اللي بصحه جيده ربنا يديهم كل الصحه واطفالنا اللي ربنا اختارهم للمرض المرض الحقيقي هو ان فكره " المعايره " جاتلك قبل ١٠٠ فكره تانيه ممكن تجيلك من جمال البنت وضحكها وبهجه الصوره وللأسف شوفت كمان حاجه غريبه جدا". 

وأنهى حديثه قائلا "ناس كتير قوي محسوبين على "هامش هامش هامش المجال الفني " عمرهم ما شافو مني حاجه وحشه غير اني مباديهمش مواعيد لاقيتلهم تعليقات كأنهم ما صدقوا لاقولي غلطه وانصحهم "العمر بيجري حاولو تعملو حاجه لنفسكم أولى" البنت اللي في الصوره فضلت ف حضني طول تصوير الاعلان وبحبها جدا جدا ومتفقين انا وهي على حاجات كتير قوي قوي هنعملها".