بعد الهجوم على صورته مع مبروك عطية.. عمر كمال: أنا مش نجس لا مؤاخذة

خرج المطرب الشاب عمر كمال عن صمته، للرد على الهجوم الذي تعرض له في الساعات الماضية، بعدما انتشرت صورته مع الدكتور مبروك عطية في أحد البرامج التلفزيونية، والمقرر إذاعته في شهر رمضان المقبل.

وقال كمال، في منشور عبر حسابه الرسمي على موقع التواصل الاجتماعي فيس بوك: اتصورت صورة وأتشرف بده مع فضيلة الشيخ مبروك عطية في لقاء هيتذاع معاه في رمضان إن شاء الله، وحلقة كلها خير وكلام محترم".

وتابع :"كلام الناس وتعليقاتهم حسستني أنه متصور مع يهودى أو كافر أو مرتد أو إنسان لا مؤاخدة نجس وهيدنس الشيخ !!، وكومنتات إزاى ده يتصور مع ده !! مع اني مش وحش للدرجة ديه.

واستكمل: زى بالظبط ما خلوني أبطل أفكر أصلي في المسجد، أول ما أخش بحس أنى إنسان منبوذ، والناس بتبص لي بصة غريبة لدرجة سمعت واحد بيقول للتانى اقف جمبه انت لأحسن ربنا ميتقبلش منى صلاة !!".

واضاف :"ومش بقول إنى مقطع السجادة أنا زى أى إنسان بيقطع في الصلاة وبيرجع، بس ساعات ببقى حابب أدخل المسجد وفعلا بطلت ده من الناس".

اتصورت صورة وأتشرفت بده مع فضيلة الشيخ مبروك عطية ف لقاء هيتذاع معاه ف رمضان أن شاء الله وحلقة كلها خير وكلام محترم .