عمرو اديب: نفسي أمي ترجع 10 دقائق بس وأرضيها تاني

كشف الإعلامي عمرو أديب، خلال تقديمه حلقة  برنامج "الحكاية"، عن موقف لا ينساه مع والدته الراحلة.

وقال عمرو أديب: "أنا ماعملتش حاجة في حياتي، ولم أضع شيء عظيم غير رضا أمي، لما تسألني النهاردة عايز إيه يا عمرو؟ عايز أمي ترجع وأرضيها تاني، 10 دقايق بس، يعني هي كانت بتحب أكل معين أأكله لها في بقها، روح دلوقت، الّي عنده أم، روح خد رجليها وأقعد بوس فيها، نفسك تأكلي إيه يا أمّه، تحبي تشربي إيه، عايزة أوديكي فين."

وأضاف: "فاكر حادثة عمري ما حأنساها. كان في مطار أورلي في باريس، وأنا واخد أمي على عجلة وكانت رايحة المستشفى. كانت هي موجوعة، والمفروض في حد كان يستنانا عند باب الطيارة. كل الحكاية إن الراجل الفرنساوي هناك حطها على العجلة دي ومشي."

وتابع: "عمري ما حأنسى الموقف ده، كنت بأجري بيها. طبعا الناس على العجل ما ينفعش يطلعوا على السير. أنا كنت بأطلع وأنزل على السير، وكان أمي في أي لحظة ممكن تقع، وكل الّي في دماغي إعمل لأمك كل حاجة وأي حاجة."

شاهدي الفيديو :