عمرو اديب يهاجم محمد رمضان بسبب ابن لبنى ونس: خد بالك من كلامك إحنا اللي عملناك | فيديو

رد الإعلامي عمرو أديب على انتقاد الفنان محمد رمضان له، وذلك بعد نشر صورة بعد إصابته خلال تصوير إعلان له، قائلًا: "دي إصابتي البسيطة اللي إعلام بلدي تجاهلها تمامًا ومنهم عمرو أديب اللي فتح عليا النار بتهمة ليس لي دخل بها، وهي إصابة يوسف ابن زميلتي وصديقتي لبنى ونس".

وقال عمرو أديب خلال برنامج "الحكاية" المذاع على قناة "mbc مصر": "يا نمبر 1 بلاش علشان دي فيها كلام، عندما تكون فنانا كبيرا يجب أن تكون لديك مسئولية اجتماعية، وأنت كبير وكان عليك أن تسأل عن الشاب الذي أصيب في الإعلان وكاد يموت لولا ستر الله، وكان لازم تكلم أمه وتطمئن عليه وتعالجه

وتابع "أديب": "يا محمد رمضان أنت مفيش في دماغك إلا نفسك وبس.. إحنا معندناش مشكلة مع بعض بس أنت مش مستغرب يا محمد أن في إعلان ومسلسل فيه إصابتين وده يخليك تفكر شوية في تأمين الشغل بتاعك وأن الشغل بتاعك فيه مشكلة".

وأكمل: "يا محمد رمضان الإعلام كله مهتم بك كل لحظة.. لكن دور الإعلام أيضًا يقف جنب الناس اللى محتاجة.. ومحدش هاجمك والحمد لله فيديوهاتنا بتعمل أرقام كبيرة".

وتابع: "معنديش رغبة أهاجمك ولا أكسرك ولكن فكَّر في النهاية أن في 4 أيام فيه حادثتين، والقنبلة كانت ممكن تعملك أنت كمان مشكلة، والسؤال الناس دي متأمن عليها والناس اللي عاملين في المسلسل بتاعك متأمن عليهم وعليك؟.. وإيه أدوات التأمين اللي جوا الإستوديو؟.. ويا محمد معملكش إلا إعلام بلدك ومحدش بيتجاهلك ولكن في النهاية فيه شاب تاني غلبان أمه خايفة عليه، ونمبر 1 والكبير يتعامل كبير وده شغل الفنانين الكبار".
 
واستطرد: "الراجل اللى فرقعت فيه القنبلة نعمل فيه إيه نرميه للبط، أنت قادر تعالج نفسك طيب والغلبان ده نعمل معاه إيه نرميه؟".