تامر حسني ينقذ معجبة ويساعدها في التغلب على مرضها..فقدت الذاكرة ولم تنساه

شارك الفنان تامر حسني جمهوره ومحبيه عبر حسابه الرسمي علي موقع تبادل الفيديو والصور إنستقرام بمقطع مصور مع أحد معجباته التي كانت تعاني من أحد الأمراض وكانت تتمني رؤيته وحقق لها تامر هذه الأمنية . 

وعلق تامر حسني علي المقطع الذي نشره وقال " يا بيرهان أنا اللي فخور بيكي و فرحان بيكي أكتر من أي حاجه وكلامك شرف كبير ليا و فرحه كبيره لقلبي إني اكون داعم بعد ربنا لشفائك و دي حاجه كبيره جداً بالنسبالي أنا فرحان إني شوفتك و سمعت قصتك أكتر ماانتي فرحانه بمقابلتي و بكتييييير كمان والله".

 وأضاف "يارب أشوفك بكامل الشفاء قريب جداً و بدعوات كل اللي شافوا قصتك رغم صعوبتها و صعوبة الحادث الأليم اللي اتعرضتيله و نتج عنه وفاة والدتك الله يرحمها و فقدان ذاكره لفتره و شلل مفقود الأمل في شفائه ، و كل الصعوبات اللي مريتي بيها في رحلة علاجك ، بشكرك لإرادتك العظيمه للعوده مره تانيه لحياتك الطبيعيه". 

 وانهى تامر تعليقه قائلا "إنتي درس كبير يتعلم منه كل انسان فاقد الأمل في شيء بشكر قرايبك و أخواتك اللي رتبولك المقابله دي عشان فعلاً هما نِعمَ السند و الضهر ربنا يحفظك و يشفيكي و يشفي كل مريض ".