داخل العناية العناية المركزة.. محمد الصغير يعود لزوجته أم أولاده 

شاركت الإعلامية مها الصغير زوجة الفنان أحمد السقا أصدقائها ومتابعيها عبر حسابها علي إنستقرام بصورتين أحدهما مر عليها أكثر من 22 عاما والأخري لولدها من داخل العناية المركزة التي يرقد بها حاليا بسبب إصابته بفيروس كورونا المستجد. 

وكشفت مها من خلال تعليقها علي الصور عن كواليس العلاقة العاطفية بين والدها ووالدتها بالرغم من انفصالهم، حيث علقت قائلة "في حاجه مهمه اوي عايزه كل العالم يعرفها ، و اكيد مش هعرف اكتب الكلام ده تاني...ابطال القصه دي هم ابي و حياتي كلها و الي يعرفني كويس يعرف ان محمد الصغير مش ابويا بس هو حب عمري". 

وأضافت "والبطله التانيه هي اعظم ست في العالم ملكه العلايلي قصه حب عشتها علي مدار كل يوم و كل ثانيه لغايه اللحظه حتي لما اتطلقوا كنت عارفه انه بيحبها و هي بتحبه و عمري ما شفته او شفتها سعيده غير و هي مراتهالمهم امي اتجوزت ابويا و هي من عائله ارستقراطيه و هو من عائله بسيطه و تحدت اهلها و قطعوها و هو لم يكن معاه سوي ١٠٠ جنيه و حصل مشاكل و اتطلقوا من ٢٢ سنه و يوم ما تعب و هو حواليه ناس كتيييييييير اوي (بس في الافراح فقط)". 

وتابعت مها "طلب مني اطلب امي في التليفون و طلب يشوفها و جت له علي طول، يوم ما حس انه ضعيف اوي و تعبان بجد طلب ضهره و سنده الي بجد مش في المنظره و جت و طلب منها متزعلش منه و انها تتجوزه علي سنه الله و رسوله تاني .

و اصدقاء الابطال في هذا الفيلم الجميل الي شهدوا هذه اللحظه هما انا و اخويا مصطفي و اخويا التاني الدكتور الي مسبنيش لحظه يحيي البستاني الدنيا اتدربكت و طلب مأذون و جه المأذون جوز ملكه العلايلي لمحمد الصغير علي سنه الله ورسوله". 

وانهت تعليقها قائلة "فهذه العظيمه اتجوزته و هو محلتوش حاجه و في عز ضعفه و رجعت له و هو في عز ضعفه برده .

و نام في حضنها و هو مرتاح اوي هو الان في امس الحاجه للدعاء لانه في لحظات حرجه اوي اوي اوي ادعوا له و اسفه اني طولت عليكوا".