مي كساب: اوكا بيغير عليا ومنعني من اللبس الضيق والعاري والفساتين السواريه

قالت الفنانة مي كساب، إنها لم تتعطل فنيًا بعد زواجها من مؤدي المهرجانات أوكا، مشيرة إلي أن اغنيتها العام الماضي "سينجل" ليس لها علاقة بانفصالهما لأنها في الأساس من تلحين زوجها.

وأضافت خلال لقائها ببرنامج "صبايا الخير" الذي تقدمه الاعلامي ريهام سعيد بقناة "النهار": "جوزي منعني من الكعب العالي والبس الضيق والقصير والفستان السواريه لازم يبقي بكم والحاجات دي بقت ذكريات بالنسبة لي ويوم فرحي كنت لابسة كوتش، وخلاص مبقتش عارفة البس الكعب العالي، وأوكا مبقاش يخليني البس مايوه عريان بقيت البس بوركيني، ومكنتش هحس انه راجل لو معملش كده لأنى لحمه ولازم يبقي غيور عليا وده في الدين بتاعنا".

وتابعت: "انا اصلا شخصيتي محافظة ولكن بعد وفاة أمي كنت واخده حريتي في اللبس شوية، ولكن بعد لما اتجوزت بقيت احافظ علي لبسي، أمي توفت قبل لما اتجوز وكانت نفسها اتجوز والحقيقة كانت كل حاجة وطعم الحياة راح بعد وفاتها".

وأكملت: "اوكا بريء ونقي وطيب وغير ملوث ومش كذاب ولا ملاوع وهو اللى حبني الأول، وكنت في البداية واخده فكرة عنه انه وحش ولكن لما عرفته بقيت انصحه ولقيته ولد كويس ومستخسراه لحد لما حبني وشوفته علي حقيقته لما عملنا فيلم مع بعض واحترمته لما وداني بيت عيلته وكانوا عزمني علي الفطار وحسيت انهم ناس طيبين ومضيافين ومحترمين".

وتابعت: "قلت لبابا ده الراجل اللى طول عمري بحلم بيه انه يكون نقي ومش بتاع حوارات ومش كداب وأهله ناس طيبين وليهم اصل ووالدهم كان يعمل مساعد جراح وراجل عصامي، وخاله أمين خزينة في مستشفي الدمرداش، ووقتها والدي وافق وكان مرحب لأنه كان يثق في اختياري".

وعن تعرضها لانتقادات وهجوم علي السوشيال ميديا بسبب وزنها الزائد بعد الحمل والولادة، علقت: "مش مضايقة وعادي انا عندي مرايه وبشوف نفسي وخدودي ولخدي وبطني وكل شيء ومبشغلش بالى بالمتنمرين دول والمتنمر لا يستحق الرد عليه".

وعن زوجات أورتيجا وشحتة كاريكا، علقت: "كانوا مفروضين عليا بحكم شغل زوجي مع ازواجهم، ولكن فيه جاحات مش علي مزاجي وبتعامل معاها بقلب صافي علشان لا استنزف، وبعد الخلاف بينهم خرجت نفسي برا الموضوع تماما وابتعدت عن دايرة انفصال زوجي اوكا واورتيجا وشحتة كاريكا، والطرف التاني اللى بيتهمني انى سبب الخلاف بينهم بيكدبوا الكدبة وبيصدقوها، وجوزي كان هو كل حاجة اللى بيفكر وبيلحن وينفذ".

وأكملت: "الحق لجوزي انه يحقق ذاته وكيانه لوحدي، وحقه انه ينفصل عنهم".