ابو الليف لأيمن بهجت قمر: أنا خالك اللي رباك فبلاش تستفزني!

أثار المطرب نادر أنور الشهير بـ أبو الليف جدلا كبيرا خلال الأيام الماضية فور حديثه عن نجل شقيقته الشاعر الغنائي أيمن بهجت قمر، حيث فاجئ أبو الليف جمهوره ومتابعيه بمنشور تحدث من خلاله عن ايمن بهجت قمر وقال " صباح الخير إلى كل أحبابي واصدقائ ومتابعيني وجمهوري إبن أختي إللي أنا خاله الشاعر أيمن بهجت قمر بيستفزني إني أتكلم وأنا عمال بقول إنه في مقام إبني وانا إللي مربيه وأنا خاله وانا الكبير وساكت". 

وأضاف "هقول حاجة واحدا فقط لاغير علشان الدنيا كلها تعرف وتفهم ومش هتكلم تاني إفتكر مين أول واحد أخدك من إيدك معاه ودخلك أستوديو وإفتكر مين شجعك إنك تكتب وإفتكر مين إللي أخد منك وغنالك أول أغنية في حياتك وباردوا انا خالك وأنا الكبير وربنا يكرمك ويوفقك ويباركلك ويفرحك بأولادك. ويزيدك من نعيم الله نجاحك نجاحي وإللي بيني وبينك دم لازم تفهم كدا دا لو مش فاهم الدنيا متسابا ومش هناخد معانا غير عملنا في دنيتنا وكل المطبلاتية إللي بيطبلولك مش عايزين الخير ليك صدقني إللي منك منك ربنا يوسع رزقك ويفرح قلبك بأولادك ماتفرحش حد فينا لأنك بعيد عن الفن إنت غالي عندي ومش بقول كدا علشان اي غرض او هدف غير محبه والله دا للتوضيح مش أكتر". 

وكان ايمن بهجت قمر قد قال في منشور له "فى موضوع متعلق من سبع سنين أنا ما اتكلمتش فيه، بس واضح إن الفنان نادر أبو الليف اللى بتجمعنى بيه صلة قرابة، مصمم إنه يخلينى أتكلم وأنا هتكلم بالأصول واحتراما لصلة القرابة، أكتر من مرة نادر طلع بيلمح إننا قصرنا معاه أو حاجات من هذا القبيل، وبما إنه كلام يخص العمل مش عن العلاقات الشخصية، فاعتقد التوضيح ممكن يكون مهم عشان نقفل الصفحة دى وكلامى كله عليه شهود موجودين من زملاء ومن أقارب كمان من الدرجة الأولى" .

 وأضاف قمر "فى 2009 لما اشتغلنا أنا وتوما والملحن محمد يحيى وقدمنا أول ألبوم لأبو الليف من إنتاجنا، إحنا ما استخسرناش أى حاجة معاه وعملنا ألبوم كسر الدنيا، واللى حضراتكم ماتعرفهوش إننا لما تعاقدنا مع إحدى شركات الإنتاج، اتفقنا أنا ويحيى وتوما على إن المبلغ اللى هتدفعه الشركة هنقسمه على أربعه ومافكرناش إننا أسماء ونادر صوت جديد، وبعد ما نحسب مثلا التكلفة الفعلية الكبيرة للألبوم وأعتقد الكواليتى كان واضح، يعنى احنا كنا جدعان معاه وأوى كمان، وكنا كمنتجين بناخد نسبه إحنا التلاته 10 فى الميه لكل واحد، يعنى لو أبو الليف طلع فرح كان بيطلع لى 300 جنيه"  .