صورة قديمة لعمر كمال تعرضه للسخرية وهو يرد: "لا أخجل من كل مراحل حياتي"

قارن ناشطون على مواقع التواصل الاجتماعي، بين صورتين للفنان عمر كمال المعروف بـ "فنان المهرجانات"، الأولى قبل الشهرة حيث ظهر كمال بتسريحة شعر قصيرة مختلفة عن مظهره اليوم، وصورة أخرى تظهر شكله في الوقت الحالي.

وقد رافقت الصورة موجة من الانتقادات اللاذعة التي وصل بعضها إلى حدّ التنمّر والتجريح.

من جهة أخرى، دافع مجموعة من الناشطين عن الفنان من خلال تعليقاتهم نعرض بعضًا منها: "كل ناجح محسود." و"التغيير للأفضل مش عيب" و"شو ماله يعني الناس بس شاطره تفلسف ع غيرها ماتسيبو كل واحد فحاله ع أساس الي بتنمروا كاملين مكملين"و"يعني انتم مولودين قمة الوسامة؟".

من جهته، أعاد الفنان عمر كمال نشر الصورة التي عرّضته للسخرية وأرفقها بتعليق أوضح خلالها أنه يفتخر بنفسه في كل مراحل حياته، شارحًا أن كل الوقت له ظروفه، مشيرًا إلى أنه في تلك المرحلة (أي الصورة القديمة التي يتم تداولها) كان يفكر فقط في عمله ولقمة عيشه وينتظر ساعة النوم بعد يوم عمل طويل، ولم يكن لديه الوقت ليفكر في شكله.

وجاء تعليق عمر كمال كالآتي: "كل ما أحط بوست وممكن الناس تشوف بعنيها عشان محدش يقول ده بيحور وبيعمل بوست وتريند ألاقي ناس كتيرة حطالي صورتي اللي ع اليمين ف الكومنتات من باب السخرية. حتى الصورة اللي منزلها لوالدتي وبعبر عن حبي ليها عشان عيد ميلادها منزلين الصورة من باب السخرية. فا عايز أرد عليهم وأقولهم والله الحمد لله على شكلي في جميع مراحل حياتي وديه حاجة انا مش بتكسف منها واديني نزلت الصورة أهو للناس في بوست عشان تشوفها ومش مكسوف. والصورة اللي ع اليمين ديه لإنسان كان معندهوش رفاهية انه يروح للدكتور يتابع معاه رچيم أو يروح للچيم أو حتى عنده وقت يفكر في شكله. إنسان كان كل همه يشوف السرير بعد يومه الطويل عشان يصحى ليوم تاني أصعب. مش مهم كنت أيه المهم بقيت أيه. اشتغلت على نفسي وبكرم وفضل ربنا اشتغلت الحاجة اللى بحبها. وركبت العربية اللي بحلم بيها وكونت نفسي. وعملت وضع واسم لنفسي وربنا جعلني سبب في اني شايل مسؤولية ناس وفاتح بيوت ناس كتير من غير جنيه من بابي ومامي ولا مساعدة حد غير ربنا ثم دراعي. أشك لو انت انسان عندك حاجة مفيدة في حياتك تعملها أو عندك هدف في حياتك ان يبقى عندك وقت تدور على صور حد وتسخر منه. صدقني الحياة مفيهاش وقت تضيعه في الكلام ده شوف حاجة أفيد واعملها".