نجل نشوى مصطفى يكشف تطورات حالتها الصحية بعد إصابتها بفيروس كورونا

حرص نجل الفنانة نشوى مصطفي علي طمأنة جمهورها ومحبيها علي حالتها الصحية التي تدهورت مؤخرا بعد معاناتها مع فيروس كورونا وقال في منشور عبر حسابها الشخصي علي فيسبوك "بفضل الله وبفضل دعوات حضراتكم وبفضل مجهود اطباء وهيئة تمريض مستشفى العجوزة أمى حالتها مستقرة الحمد لله وبعتذر لعدم الرد ربنا أعلم بينا انا وابويا وأختى". وتابع: "الف شكر بابلغ أمى كل تليفوناتكم وكومنتات حضراتكم ودعواتكم لرفع حالتها النفسية وبتكون فرحانة ولله الحمد دائمًا وفى كل الاحوال" .

وكانت نشوى مصطفي أعلنت عن إصابتها بفيروس كورونا وقالت "ادعولى عملت اشعة مقطعية على الرئة والنتيجة لسه طالعة وللاسف كورونا — اي حد اتقابلنا خلال الفترة اللي فاتت ارجوكم يعمل تحليل — لو سمحتم الموضوع مش سهل ماتستهونوش خللو بالكم الكورونا رجعت بشدة — الم رهيب ربنا مايكتبه على عدو ولا حبيب - ربنا يحافظ عليكم يارب – ادعولى" .

وبعدها تدهورت حالتها الصحية وقالت "باموت حرفياً بروتوكول العلاج معملش حاجة حد يساعدنى من وزارة الصحة ويقولى اروح انهى مستشفى".

ودخلت الفنانة نشوى مصطفى خلال الأيام الماضية في خلاف مع أحد متابعيها قبل الإعلان عن اصابتها بكورونا وقالت في منشور لها علي هذا الشخص "للتوضيح حضرتك انا من حقى المطلق اعمل شير لاي حاجة او اكتب اي حاجة على صفحتى — وبما انى بانشر اي حاجة بابليك معناها انى عايزة حضرتك تشوفها لو مش فى قايمة الاصدقاء وممكن كمان تعلق على اللي نشراه زي ماتحب — شفت بقى انا ديمقراطية ازاي لكن كمان اقصى درجات المتعة بالنسبة لى انى لو معجبنيش تعليق حضرتك اعمل لك بلوك مش انت لوحدك انت واى حد عمل لك لايك على تعليقك وبنفس درجة المتعة باستمتع كمان وانا باعمل ديليت لكلامك — شكراً لكل اللي بيمتعونى حتى لو متعة زمنها يساوى زمن الثوانى اللي باعمل فيها بلوك وديليت".