بعد عودتهما من الانفصال .. رسالة رومانسية من زوجة احمد فلوكس له 

حرصت "رابيا" الزوجة الاولي للفنان احمد فلوكس علي التعبير عن حبها له بعد ان عادت له من الانفصال الذي استر اكثر من سبعة اعوام .

وكتبت رابيا رسالة طويلة عبر حسابها بموقع " فيس بوك " قالت فيها : " انت الكينونه والانتماء انت الحاله اللي ما اديتش فرصه اني أعيشها مع حد انت اللي استوليت علي قلبي بكل تفاصيل بدايتنا مع بعض وقصة حبنا واللي كملت حتى بعد الانفصال وادت أحلى مثال لاتنين انفصلوا لأي سبب من الأسباب ".

واضافت : " أكيد الكل كان بيسأل يا ترى ازاي استحملت وهو بيتجوز قدامها ...؟.. ويلبس من بيتها يوم كتب كتابه وتتعامل برحابة صدر مع القصه كلها ماهو ده الحب لما تجردي كل فكره لوحدها ده حبيبي بس مش قادره اكون معاه لأي سبب وعايزه مبسوط، بس ده ابو ابني اللي بتمناله الخير  ده صديقي اللي في اسرار كثير بينا، ده اللي ضهرنا مكشوف لبعض، ده الانسان البعيد عن اي علاقه من دول الجدع اللي اي حد ممكن يلجأله في اي حاله ومايردوووش ابدا وده بشهادة الجميع " .

واكملت : " ده اللي اتمنيتله الخير في كل لحظه في حياته وهو بعيد وهو قريب...ده اللي أكرمني (كل الكرم) في بلده وانا مش على ذمته ...ده اللي لما رجعتله عرفت اني ماقدرش اعيش غير معاه ومع ابني لأن سيف كان مديني تكملة القصه في بعده، اللي هي يالكيان ده اللي بنيته في اول جوازنا يا بلاش .

وانهت رسالتها قائلا : "انت الحياه والقصه اللي عشتها وصدقتها وانتميت اليها انت الانتماء والحاله الخاصه جدا كرجل يحب بصدق ويحتوي ويحترم المحترم يا أصيل... Ahmed Falawks ربنا يحفظك لينا ويبعد عننا كل شر ويعوضنا ببعض عن كل الاختبارات في البعد " .