ظهور نتيجة تحليل كورونا لداليا البحيري وعائلتها بعد تأكد إصابة زوجها

طمأنت داليا البحيري جمهورها بعد إصابة زوجها بكورونا، وقالت في تصريحات لها نشرتها عبر صفحتها على موقع التواصل الاجتماعي فيس بوك: «أحب أطمنكوا جميعاً نتيجة المسحات طلعت وألف حمد وشكر ليك يارب كلها طلعت سلبية ليا وللولاد كلهم والمساعدين في البيت شكراً يارب على كرمك... أحب أطمنكوا كمان إن حسن الحمد لله كويس وبيشكركم كلكم على الرسايل والتليفونات بجد حبكم لينا ومساندتكم لينا عندنا بالدنيا وأحلى نعمة من ربنا».

وتابعت داليا: «آسفة إني ساعات مش بلحق أرد على كل مكالماتكم أو بضطر أقفل في نص المكالمة عشان دكتور بيتصل على الناحية التانية أو معمل أو صيدلية... بجد بشكركم على جمال قلبكم واهتمامكم ودعواتكم لأبو على حبيب الكل ربنا يقومه بالسلامة وبشكر كل اللي بعت رسالة عشان مقدر لبختنا... أنتم جميعاً فوق الراس وجوه القلب... ربنا يحفظكم جميعاً من كل شر ويحفظ عائلتكم وحبايبكم».

اقرئي ايضا : فوز الفهد تتحدى ياسمين صبري وتظهر بنفس فستانها.. أيهما الأجمل؟

وكانت داليا البحيرى أعلنت عن إصابة زوجها عبر «فيس بوك» وكتبت: «أنا حبدأ بألف حمد وشكر ليك يارب، لأن أنا عارفة ومتأكدة إن إحنا عملنا اللي علينا وزيادة، حافظنا وقعدنا في البيت، وعقمنا وطهرنا، وانتقدنا اللي نزل انطلق واتفسَّح، وأنا والحمد لله راضية جداً بقضاء ربنا سبحانه وتعالى، حسن جوزي وحبيبي طلع إيجابي كورونا فيروس، ربنا يشفيه ويعافيه يارب». 

وأضافت داليا البحيري قائلة: «إحنا كلنا عملنا مسحات تحليل كورونا، أنا والأولاد، واللي بيساعدونا في البيت، عشان نطمن، لأننا كنا مخالطين لحسن، وبإذن الله نعرف النتيجة بكرة بالليل، وربنا يجيب العواقب سليمة يارب». 

وتابعت: «أنا بقول الكلام ده عشان أي حد لازم يعمل كده، لازم يقول، وبكل وضوح عشان الناس اللي كانت مخالطة ليهم يعرفوا، ويطمنوا على نفسهم، لأن دي أمانة، والمرض مش حاجة الواحد يخجل منها».

اقرئي ايضا : هنا الزاهد تخطف الأنظار من ياسمين صبري بهذه الإطلالة